Go na content

Go na a tra menu

Go na table of contents

Yehovah Kotoigi

Sranantongo

Yesus​—En na a pasi, en na san tru, en na a libi

Na ini a buku disi yu kan leisi fu a libi fu Yesus soleki fa skrifi na ini Bijbel.

WAN TU SANI NA FESI

En na a pasi, en na san tru, en na a libi

Den Evangelietori e taki fu den sani di Yesus leri sma èn den sani di a du. Den sani disi kan kenki yu libi.

KAPITEL 1

Tu boskopu fu Gado

Na engel Gabrièl tyari boskopu di sma no ben wani bribi wantewante.

KAPITEL 2

Yesus e kisi grani fosi a gebore

Fa Elisabet nanga a pikin na ini en bere e gi grani na Yesus?

KAPITEL 3

Wan sma gebore fu sreka a pasi

Wantewante baka te Sakaria man taki baka, a e taki wan prenspari profeititori.

KAPITEL 4

Maria de nanga bere, ma a no trow

Maria taki dati a de nanga bere nanga yepi fu a santa yeye. A no wan tra man gi en bere. Ma Yosef e bribi a sani disi?

KAPITEL 5

Pe èn o ten Yesus gebore?

Fa wi du sabi taki Yesus no gebore tapu 25 december?

KAPITEL 6

A pikin di Gado pramisi

Te Yesus de wan beibi, Yosef nanga Maria e tyari en go na a tempel. Drape tu owru Israelsma e taki profeititori di e sori san o pasa nanga Yesus bakaten.

KAPITEL 7

Wan tu lukuman e go na Yesus

Fu san ede a stari di den lukuman si na Owstusei no tyari den go langalanga na Yesus? Fu san ede a tyari den go fosi na a ogri-ati kownu Herodes?

KAPITEL 8

Den e lowe gi wan ogri-ati tiriman

Dri Bijbel profeititori di abi fu du nanga a Mesias e kon tru te Yesus yongu ete.

KAPITEL 9

Yesus e gro kon bigi na ini Nasaret

Omeni brada nanga sisa Yesus ben abi?

KAPITEL 10

Yosef e go nanga en osofamiri na Yerusalem

Yosef nanga Maria e bruya te den no man feni Yesus. Ma Yesus e fruwondru taki den no ben sabi wantewante pe a ben de.

KAPITEL 11

Yohanes a Dopuman e sreka a pasi

Te son Fariseiman nanga Saduseiman e kon na Yohanes, a e krutu den. Fu san ede?

KAPITEL 12

Yesus e dopu

Efu Yesus no sondu noiti, dan fu san ede a dopu?

KAPITEL 13

Leri fu a fasi fa Yesus kakafutu gi tesi

Den tesi di Yesus kisi, e leri wi tu prenspari sani fu Didibri.

KAPITEL 14

Yesus e kari sma fu tron en disipel

Fu san ede den fosi siksi disipel fu Yesus ben de seiker taki den feni a Mesias?

KAPITEL 15

A fosi wondru fu Yesus

Yesus e sori en mama taki a musu du san en hemel Tata wani en fu du, na presi fu arki en.

KAPITEL 16

Yesus e sori taki a de fayafaya gi a tru anbegi

Efu Gado Wet ben taki dati den sma ben kan bai meti na ini Yerusalem fu tyari leki ofrandi, dan fu san ede Yesus ati bron nanga den bisnisman na ini a tempel?

KAPITEL 17

Yesus e gi Nikodeimus leri na neti

San a wani taki fu „gebore baka”?

KAPITEL 18

A wroko fu Yesus e go na fesi, ma a wroko fu Yohanes e go na baka

Den disipel fu Yohanes a Dopuman e dyarusu, ma Yohanes no e dyarusu.

KAPITEL 19

Yesus e gi leri na wan uma fu Samaria

Soleki fa a sori, dan Yesus e taigi wan Samaria uma wan sani di a no ben taigi nowan tra sma ete.

KAPITEL 20

A di fu tu wondru di Yesus du na ini Kana

Yesus dresi wan boi di ben de sowan 25 kilometer moro fara.

KAPITEL 21

Yesus de na a snoga na ini Nasaret

Sortu sani di Yesus taki meki taki den sma fu a presi pe a ben e tan ben wani kiri en?

KAPITEL 22

Fo disipel o tron fisiman di e fanga libisma

A taigi fo disipel fu tapu nanga a fisiwroko èn fu bigin nanga wan tra wroko.

KAPITEL 23

Yesus e du wondru na ini Kaperna-um

Te Yesus e puru den ogri na sma tapu, a no e gi den pasi fu taigi den sma taki en na a Manpikin fu Gado. Fu san ede?

KAPITEL 24

Yesus e preiki na moro presi na ini Galilea

Den sma e kon na Yesus meki a dresi den, ma a e sori den taki dati a no a moro prenspari sani di a kon du.

KAPITEL 25

Sari-ati meki taki Yesus dresi wan gwasiman

Yesus no taki furu fu dresi wan gwasiman. Ma a fasi fa a dresi en e sori krin taki a e broko en ede trutru nanga den sma di a e dresi.

KAPITEL 26

„Yu kisi pardon fu yu sondu”

Fa Yesus e sori taki siki abi fu du nanga sondu?

KAPITEL 27

Yesus e kari Mateyus

Fu san ede Yesus e nyan nanga sondari?

KAPITEL 28

Fu san ede den disipel fu Yesus no e faste?

Yesus e fruteri wan agersitori fu winsaka fu tyari a tori disi kon na krin gi den.

KAPITEL 29

Wan sma kan du bun gi trawan na Sabat-dei?

Fu san ede den Dyu e frufolgu Yesus, baka di a dresi wan man di siki 38 yari kaba?

KAPITEL 30

Yesus na Gado Manpikin

Den Dyu feni taki Yesus taki dati a hei leki Gado, ma Yesus e sori taki Gado hei moro en.

KAPITEL 31

Den e piki aleisi na Sabat-dei

Fu san ede Yesus e taki dati en na „Masra fu Sabat”?

KAPITEL 32

San wan sma mag du na Sabat-dei?

Den Saduseiman nanga den Fariseiman no ben e bumui nanga makandra, ma now den e span anu makandra fu du wan sani.

KAPITEL 33

Yesus e meki a profeititori fu Yesaya kon tru

Fu san ede Yesus e taigi den sma di a dresi taki den no musu taigi trawan suma na en noso san a du?

KAPITEL 34

Den twarfu apostel fu Yesus

San na a difrenti na mindri wan apostel nanga wan disipel?

KAPITEL 35

Wan prenspari lezing di Yesus hori

A kapitel disi e tyari wan tu prenspari leri fu Yesus kon na krin.

KAPITEL 36

Wan legre-ofsiri di abi wan tranga bribi

Sortu sani di wan legre-ofsiri du e fruwondru Yesus?

KAPITEL 37

Yesus e gi wan yongu man wan opobaka

Den sma di si a wondru disi frustan san disi wani taki trutru

KAPITEL 38

Yohanes wani yere fu Yesus srefi efu en na a Mesias

Fu san ede Yohanes a Dopuman e aksi Yesus efu en na a Mesias? Na tweifri a e tweifri?

KAPITEL 39

Helu fu wan pipel di no abi berow

Yesus e taki dati a Krutudei o moro lekti gi a kondre Sodom leki gi Kaperna-um, a foto pe a ben e tan wan pisi ten.

KAPITEL 40

Yesus e leri sma taki den musu gi trawan pardon

Yesus taigi wan uma di ben de wan huru-uma kande taki a kisi pardon fu den sondu fu en. Ma na sori a ben wani sori en taki a no fowtu fu pasa den wet fu Gado?

KAPITEL 41

Suma gi Yesus a makti fu du wondru?

Den brada fu Yesus e denki taki a lasi en frustan.

KAPITEL 42

Yesus e piri-ai gi den Fariseiman

San na „a marki fu a profeiti Yona”?

KAPITEL 43

Agersitori di abi fu du nanga a Kownukondre

Yesus e fruteri aiti agersitori fu tyari difrenti sani kon na krin di abi fu du nanga a Kownukondre fu hemel.

KAPITEL 44

Yesus e meki wan bigi winti na tapu se tan tiri

Di Yesus meki a bigi winti nanga a krasi se kon tiri, a sori fa sani o de te a o tiri leki Kownu.

KAPITEL 45

Yesus tranga moro furu ogri yeye

A de so taki wan sma kan abi moro leki wán ogri yeye na en tapu?

KAPITEL 46

Wan uma kon betre di a fasi Yesus en krosi

A tori disi e sori taki Yesus abi furu makti èn taki a abi sari-ati.

KAPITEL 47

Yesus e gi wan meisje libi baka!

Den sma e lafu Yesus te a e taki dati a dede pikin e sribi. Den sma no sabi san a o du.

KAPITEL 48

Yesus e du wondru, ma srefi den sma fu Nasaret no wani bribi en

Den sma fu Nasaret yere san Yesus e leri sma èn den si den wondru di a e du, ma toku den no e bribi en. Fu san ede?

KAPITEL 49

Yesus e preiki na ini Galilea èn a e leri den apostel fu du a preikiwroko

Fu san ede Yesus taki dati ’a Kownukondre kon krosibei kaba’?

KAPITEL 50

Yesus e sreka den apostel fu preiki awinsi den o kisi frufolgu

Efu den disipel no musu frede fu dede, dan fu san ede Yesus e taigi den fu lowe te den e kisi frufolgu?

KAPITEL 51

Den e kiri Yohanes na wan friyari-oso

Herodes lobi fa Salome dansi na a friyari-oso fu en. Dati meki a e taigi en taki a kan aksi en san a wani. Sortu ogri-ati sani Salome e aksi en?

KAPITEL 52

Yesus e gebroiki wan tu brede nanga fisi fu gi dusundusun sma nyanyan

A wondru di Yesus du de so prenspari taki a tori disi skrifi na ini ala den fo Bijbel buku di e taki fu Yesus libi.

KAPITEL 53

Wan tiriman di man basi sani soleki winti nanga watra

San den apostel e leri te Yesus e waka na tapu a watra èn te a e meki a winti kon tiri?

KAPITEL 54

Yesus na „a brede di e gi libi”

Fu san ede Yesus e piri-ai gi den sma aladi den du furu muiti fu kon na en?

KAPITEL 55

Yesus e taki wan sani di e meki furu sma skreki

Yesus e leri sma wan sani di e skreki den so te, taki furu fu den disipel fu en e gowe libi en.

KAPITEL 56

San e doti wan sma trutru?

San e doti wan sma? Na san e go na ini en mofo, noso na san e komoto na en mofo?

KAPITEL 57

Yesus e dresi wan meisje èn wan dofu man

Fu san ede wan uma en ati no bron di Yesus taki dati den sma fu a kondre fu en de leki pikin dagu?

KAPITEL 58

Yesus e meki brede kon moro furu èn a e warskow gi srudeki

Bakaten den disipel fu Yesus e frustan fu sortu srudeki Yesus e taki.

KAPITEL 59

Suma na a Manpikin fu libisma?

San na den sroto fu a Kownukondre? Suma e gebroiki den èn fa a e du dati?

KAPITEL 60

Den si fa Krestes o de leki Kownu na ini en Kownukondre

Sortu fisyun dri disipel fu Yesus kisi? San den sani di den si ben wani taki?

KAPITEL 61

Yesus e dresi wan boi di abi wan ogri yeye na en tapu

Yesus e taki dati wan ogri yeye no komoto na wan boi tapu fu di sma no abi nofo bribi. Ma suma no abi nofo bribi? Na a boi, en papa, noso den disipel fu Yesus?

KAPITEL 62

Yesus e leri den taki a prenspari fu abi sakafasi

Bigibigi man kan leri wan sani fu wan yongu pikin.

KAPITEL 63

Yesus e gi den apostel tra prenspari rai

A e taki fu dri sani di musu pasa te seryusu problema opo kon na mindri Kresten brada nanga sisa.

KAPITEL 64

A prenspari fu gi trawan pardon

Yesus e gebroiki na agersitori fu a srafu di no ben abi sari-ati, fu sori taki Gado e si en leki wan prenspari sani taki wi e gi trawan pardon nanga wi heri ati.

KAPITEL 65

Yesus e gi sma leri te den de na pasi fu go na Yerusalem

Di Yesus taki syatu nanga dri man, a sori sortu fasi fu wan sma kan tapu en fu waka na Yesus baka.

KAPITEL 66

Yesus de na ini Yerusalem gi a Kampufesa

Fu san ede den sma di ben e arki Yesus ben denki taki wan ogri yeye de na en tapu?

KAPITEL 67

„Noiti ete wan sma taki leki a man disi”

Pikinmoro ala memre fu a Grankrutu fu den Dyu e gens Yesus. Ma wán memre fu den e teki deki-ati fu opo taki gi en.

KAPITEL 68

A Manpikin fu Gado na „a leti fu grontapu”

Yesus taki dati te ’wi sabi san tru, dan dati o meki wi kon fri’. Fu sortu sani wi o kon fri?

KAPITEL 69

Suma na den papa​—Abraham noso Didibri?

Yesus e sori fa wan sma kan sabi suma na den trutru pikin fu Abraham èn suma na en Tata trutru.

KAPITEL 70

Yesus e dresi wan man di breni sensi di a gebore

Den disipel e aksi fu san ede a man disi breni. Na fu di a sondu? Na fu di en papa nanga mama sondu? A no ala sma breiti taki Yesus dresi a man disi.

KAPITEL 71

Den Fariseiman e poti aksi gi a man di ben breni

A man di ben breni fosi e sori krin fa a e denki fu Yesus. A sani disi e meki den Fariseiman ati bron. A papa nanga mama fu a man disi ben frede taki den Fariseiman ben o yagi en puru na ini a snoga, èn na dati e pasa tu.

KAPITEL 72

Yesus e seni 70 disipel fu go preiki

Na ini Yudea, Yesus e seni 70 disipel fu go preiki fu a Kownukondre. A e seni den tu na tu. Pe den disipel o preiki? Na den snoga noso na sma oso?

KAPITEL 74

Yesus e gi Marta rai èn a e leri sma fa fu begi

Yesus de na a oso fu Maria nanga Marta. Sortu prenspari rai a e gi den? Fa a e leri den disipel bakaten fa fu begi?

KAPITEL 75

Yesus e sori san e meki taki wan sma de koloku trutru

Yesus e taigi den sma di e krutu en taki a e du wondru nanga yepi fu a yeye fu Gado noso a finga fu Gado. A e sori den tu taki ’a Kownukondre fu Gado kon sondro taki den sabi’. Boiti dati, a e fruteri san e meki taki wan sma de koloku trutru.

KAPITEL 76

Yesus e nyan na a oso fu wan Fariseiman

Yesus e sori krin taki den Fariseiman nanga den leriman fu Wet e hoigri. San na den hebi lai di den e meki den sma tyari?

KAPITEL 77

Yesus e leri sma fa den musu si gudu

Yesus e fruteri wan agersitori fu wan gudu man di ben e bow moro bigi maksin. Sortu rai di a ben gi kaba e sori taki wan sma kan kon na ini bigi problema te a e feti fu kisi gudu?

KAPITEL 78

A futuboi di de fu frutrow musu de srekasreka!

Yesus wani taki den disipel fu en musu tan abi wan tranga bribi. Sortu wroko a futuboi di de fu frutrow ben o du fu yepi den fu abi wan tranga bribi? Fu san ede a rai fu de srekasreka prenspari srefisrefi?

KAPITEL 79

Fu san ede den Dyu di no e bribi o kisi pori?

Yesus e taigi den sma di a e pruberi fu yepi taki den o kisi pori efu den no sori berow. Yu denki taki den o frustan taki Yesus wani sori den fa Gado e denki fu den?

KAPITEL 80

A Moro Bun Skapuman nanga den skapupen

A fasi fa wan skapuman de nanga den skapu fu en e sori fa Yesus e si den disipel fu en. Den o teki leri fu en èn den o waka na en baka?

KAPITEL 81

Yesus nanga en Papa na wán, ma Yesus a no Gado

Son sma feni taki Yesus e meki ensrefi tron Gado. Fa a e sori den na wan koni fasi taki den sani di den e taki no tru?

KAPITEL 82

Yesus e preiki na ini Perea

Yesus e sori sma san den musu du fu kan kisi frulusu. A rai fu en ben prenspari na a ten dati. Ma a prenspari tu gi wi na ini a ten disi?

KAPITEL 83

Sma e kisi kari fu kon nyan

Te Yesus e nyan na a oso fu wan Fariseiman, a e gi wan agersitori fu wan bigi nyanyan. A wani leri a pipel fu Gado wan prenspari sani. San a wani leri den?

KAPITEL 84

A de wan seryusu frantwortu fu de wan disipel fu Yesus

A de wan seryusu frantwortu fu tron wan disipel fu Yesus. Yesus e sori krin san disi wani taki. Son sma di taki dati den wani tron disipel fu en e skreki fu den sani di a taki.

KAPITEL 85

Prisiri de na hemel te wan sondari sori berow

Den Fariseiman nanga den leriman fu Wet e krutu Yesus taki a e bumui nanga den mofinawan. Dati meki Yesus e fruteri agersitori fu sori fa Gado e si den sondari.

KAPITEL 86

A lasi manpikin e drai kon baka

San wi kan leri fu na agersitori fu Yesus fu a lasi manpikin?

KAPITEL 87

Seti sani na fesi èn du sani na wan koni fasi

Fu leri sma wan moi sani, Yesus e fruteri wan agersitori fu wan futuboi di lai triki.

KAPITEL 88

Wan kenki kon gi a gudu man nanga Lasarus

Efu yu wani sabi san na agersitori disi wani taki, dan yu musu kon sabi suma na a gudu man èn suma na Lasarus.

KAPITEL 89

Yesus e gi leri na ini Perea te a de na pasi fu go na Yudea

Yesus e poti prakseri na wan fasi di wi musu abi fu kan gi trawan pardon, awinsi den e sondu furu leisi teige wi.

KAPITEL 90

„Mi na a opobaka nanga a libi”

San Yesus ben wani sori di a taki dati den sma di e bribi na ini en „no sa dede noiti”?

KAPITEL 91

Lasarus e kisi wan opobaka

San na tu prenspari sani di meki taki srefi den gensman fu Yesus no man taki dati a wondru disi no tru?

KAPITEL 92

Yesus e dresi tin gwasiman, ma wán nomo e kon taki en tangi

Te a gwasiman kon betre, a no e taki Yesus wawan tangi, ma a e taki wan tra sma tangi tu.

KAPITEL 93

A manpikin fu libisma o sori ensrefi

Fa a kon di a Krestes o kon o de leki faya di e koti na hemel?

KAPITEL 94

A prenspari fu tan begi èn fu abi sakafasi

Nanga yepi fu na agersitori fu na uma di tan begi wan krutuman fu gi en reti, Yesus sori wan prenspari sani.

KAPITEL 95

Yesus e sori fa Gado e si brokotrow èn a lobi pikin

Yesus abi wan heri tra denki fu pikin leki den disipel fu en. Fu san ede?

KAPITEL 96

Yesus e taigi wan gudu yongu tiriman san a musu du

Fu san ede Yesus taki dati a moro makriki gi wan kameili fu pasa na ini wan nanai-olo, leki gi wan guduman fu go na ini a Kownukondre fu Gado?

KAPITEL 97

Na agersitori fu den wrokoman na ini a droifidyari

Fa den fosiwan tron den lastiwan èn fa den lastiwan tron den fosiwan?

KAPITEL 98

Den apostel e suku biginen baka

Yakobus nanga Yohanes e aksi Yesus fu kisi wan spesrutu posisi na ini a Kownukondre, ma a no den wawan wani a sani disi.

KAPITEL 99

Yesus e dresi wan breni man èn a e yepi Sakeyus

Te yu e leisi na ini den difrenti Bijbel buku fa Yesus dresi wan breni man krosibei fu Yerikow, dan a kan gersi leki den buku no e kruderi nanga makandra. Fu san ede wi kan taki dati disi no de so?

KAPITEL 100

Na agersitori fu den tin solfru moni

Yesus taki: „A sma di abi, sa kisi moro. Ma a sma di no abi, den sa puru srefi den sani di a abi.” San a ben wani sori nanga den wortu disi?

KAPITEL 101

Yesus e go nyan na a oso fu Simon na ini Betania

Maria, a sisa fu Lasarus, e du wan sani di e meki taki son sma e bigin krutukrutu, ma Yesus e opo taki gi en.

KAPITEL 102

A Kownu e rèi go na ini Yerusalem na tapu wan buriki

A e meki wan profeititori fu feifi hondro yari kon tru.

KAPITEL 103

Yesus e krin a tempel baka

A sori leki den sani di den bisnisman e du na ini a tempel no fowtu. Ma fu san ede Yesus e kari den fufuruman?

KAPITEL 104

Den Dyu e yere a sten fu Gado​—Den o sori bribi?

Te wan sma taki dati a e bribi na ini Yesus, a de a srefi leki te a e sori taki a e bribi na ini en?

KAPITEL 105

Yesus meki wan figabon kon drei fu leri sma taki den musu abi bribi

Yesus e leri den disipel sortu bigi sani den o man du te den abi bribi èn a e sori den fu san ede Gado o drai baka gi Israel.

KAPITEL 106

Tu agersitori di abi fu du nanga droifidyari

Yesus ben gi wan agersitori fu wan man di ben aksi den manpikin fu en fu wroko na ini en droifidyari. A ben gi wan agersitori tu fu a man di ben yuru en droifidyari gi ogri gronman. San den agersitori disi wani taki?

KAPITEL 107

Wan kownu e seni kari den sma di kisi wan kari fu kon na a trow-oso

Te yu e luku en bun, dan na agersitori fu Yesus na wan profeititori.

KAPITEL 108

Yesus no e meki sma kisi en nanga triki

A e piki den Fariseiman, sosrefi Saduseiman èn baka dati wan grupu gensman, so taki den no man taki noti moro.

KAPITEL 109

Yesus e sori taki den kerki fesiman na hoigriman

Fu san ede Yesus no e agri taki ala kerki bun?

KAPITEL 110

A lasti dei fu Yesus na ini a tempel

Yesus e gebroiki na eksempre fu wan pôti uma fu leri den disipel wan prenspari sani.

KAPITEL 111

Den apostel e aksi Yesus fu gi den wan marki

A fosi leisi di a profeititori disi kon tru ben de na a pisi ten di Yerusalem kisi pori. Ma a kan taki wan moro bigi kontru fu a profeititori disi ben o de bakaten?

KAPITEL 112

Den disipel musu tan na ai​—Na agersitori fu den nyunwenke

A de so taki Yesus ben wani sori taki afu fu den disipel fu en don èn taki afu koni?

KAPITEL 113

Den disipel musu du den wroko fayafaya​—Na agersitori fu den talenti

Nanga yepi fu na agersitori disi Yesus e sori san den wortu disi wani taki: „Ibri sma di abi kaba, o kisi moro.”

KAPITEL 114

Krestes di tron Kownu o krutu den skapu nanga den bokoboko

Yesus e gebroiki wan moi agersitori fu sori fu san ede son sma o kisi têgo libi noso têgo pori.

KAPITEL 115

A lasti Paskafesa fu Yesus e doro

Fu san ede a moi fu sabi taki den kerki fesiman agri fu pai Yudas 30 solfru moni fu tori Yesus?

KAPITEL 116

Na a Paskafesa Yesus e leri den apostel fu abi sakafasi

Den apostel e skreki te Yesus e du wan wroko fu wan srafu.

KAPITEL 117

Na Avondmaal fu Masra

Yesus seti a Memrefesa di den bakaman fu en musu hori ibri yari tapu 14 Nisan.

KAPITEL 118

Den e meki trobi suma na a moro bigiwan

Den apostel frigiti kaba san Yesus leri den moro fruku a srefi neti dati.

KAPITEL 119

Yesus na a pasi, en na san tru, en na a libi

Yesus e leri sma wan prenspari sani fu sori den fa den kan kon krosibei na Gado.

KAPITEL 120

Fa den disipel kan de „taki di e meki froktu” èn mati fu Yesus?

Na sortu fasi den disipel fu Yesus e „ meki froktu”?

KAPITEL 121

„Hori deki-ati! Mi wini grontapu”

Fa a kan taki Yesus wini grontapu aladi sma kiri en?

KAPITEL 122

A lasti begi fu Yesus na ini a sodrokamra

A sori den taki a no frulusu libisma nomo, ma taki a du wan moro prenspari sani.

KAPITEL 123

Yesus e begi aladi a e sari srefisrefi

Fu san ede Yesus e begi: „Puru a kan disi na mi fesi”? A de so taki a no wani tyari a frantwortu moro fu dede leki lusu-paiman?

KAPITEL 124

Srudati e grabu Krestes, baka di Yudas tori en

Yudas man feni Yesus aladi a de mindrineti.

KAPITEL 125

Den e tyari Yesus go na Anas èn baka dati na Kayafas

Den no krutu Yesus na wan reti fasi.

KAPITEL 126

Petrus e taki dati a no sabi Yesus

Fa Petrus, wan man di abi bribi èn di horibaka gi Yesus ala ten, ben man drai baka gi Yesus so makriki?

KAPITEL 127

Den e krutu Yesus, dan den e tyari en go na Pilatus

Den Dyu kerki fesiman e sori krin san den wani du nanga Yesus.

KAPITEL 128

Pilatus nanga Herodes no feni nowan fowtu na Yesus

Fu san ede Pilatus e seni Yesus go na Herodes fu meki a krutu en? A de so taki Pilatus no abi a makti fu krutu Yesus?

KAPITEL 129

Pilatus e taki: „Luku a man dya!”

Srefi Pilatus e si den moi fasi fu Yesus.

KAPITEL 130

Pilatus e meki den sma tyari Yesus go kiri

Fu san ede Yesus e taigi den uma di e sari taki den no musu krei gi en, ma taki den musu krei gi san o miti den nanga den pikin fu den?

KAPITEL 131

Wan kownu di no du nowan ogri e pina na wan postu

Yesus e pramisi wan fu den ogriman di e anga na en sei taki a o libi na ini Paradijs na ini a ten di e kon.

KAPITEL 132

„Fu tru, a man disi ben de Gado Manpikin”

Di Yesus dede, dungru fadon wantronso na deiten, wan hebi gronseki pasa èn a garden na ini a tempel priti na tu. Den sani disi e sori taki Yesus na Gado Manpikin trutru?

KAPITEL 133

Den e beri Yesus

Fu san ede sma e hasti densrefi fu beri Yesus fosi son dongo?

KAPITEL 134

A grebi leigi​—Yesus de na libi!

Baka te Yesus kisi wan opobaka a e sori ensrefi fosi na wan uma di de wan disipel fu en, na presi fu sori ensrefi na den apostel.

KAPITEL 135

Yesus di kisi wan opobaka e sori ensrefi na furu sma

Fa Yesus e overtoigi den disipel fu en taki a kisi wan opobaka?

KAPITEL 136

Den de na a syoro fu a Se fu Galilea

Dri leisi Yesus e memre Petrus fa a kan sori taki a lobi en.

KAPITEL 137

Hondrohondro sma e si Yesus fosi a Pinksterfesa

Baka te Yesus kisi wan opobaka èn fosi a go na hemel, a sori den disipel fu en wan tu leisi san den ben o kisi èn fa dati ben o yepi den.

KAPITEL 138

Krestes de na a reti-anusei fu Gado

San Yesus ben o du aladi a ben o wakti teleki a ten doro fu puru den feanti fu en na pasi?

KAPITEL 139

Yesus o meki grontapu tron wan paradijs èn a o klari a wroko fu en

A abi furu fu du ete fosi a gi a Kownukondre baka na en Gado nanga en Papa.

Teki na eksempre fu Yesus

Yesus ben abi aiti moi fasi di ben de krin fu si na ini en heri libi.

Bijbeltekst na ini a buku disi

Dyaso yu kan luku sortu kapitel fu a buku e taki fu den vers na ini den Evangelietori.

Agersitori na ini a buku disi

Dyaso yu kan luku na ini sortu kapitel den agersitori de fu feni.

Wan tu profeititori di e taki fu a Mesias

Dyaso yu kan luku fa den sani di pasa na ini Yesus libi e kruderi nanga Bijbel profeititori. Yu o si taki Yesus na a Mesias trutru. Yu kan si den kapitel tu di e taki fu den tori disi.

Den presi pe Yesus ben e tan èn pe a gi sma leri

Na tapu a karta disi yu kan si pe Yesus ben e preiki.