Go na content

Go na a tra menu

Go na table of contents

Yehovah Kotoigi

Sranantongo

Suma e du a wani fu Yehovah na ini a ten disi?

 PISI 14

Na sortu skoro den pionier kan go?

Na sortu skoro den pionier kan go?

Amerkankondre

Gileadskoro na Patterson, New York

Panama

Omeni yari kaba Yehovah Kotoigi e kisi leri fu Gado. Den sma di e gebroiki ala den ten fu du a Kownukondre preikiwroko kan go na wan skoro di seti spesrutu gi den. Na so fasi den man ’du a wroko fu den finifini’.2 Timoteyus 4:5.

A Pionierskoro. Te wan brada noso sisa de wan gewoon pionier wán yari kaba, dan a kan go na a skoro disi di e hori siksi dei langa na ini wan Kownukondre zaal di no de fara fu en. A skoro disi o yepi en fu kon moro krosibei na Yehovah, fu preiki moro bun èn fu tan go doro nanga a furuten diniwroko.

Skoro gi Kownukondre preikiman. A skoro disi e hori tu mun langa. A de spesrutu gi pionier di abi furu ondrofeni èn di de klariklari fu gowe libi a kontren fu den fu dini na wan kontren pe moro yepi de fanowdu. Te yu luku en bun, dan den pionier disi e taki: „Dya mi de! Seni mi.” Na so den e sori taki den e denki leki Yesus Krestes, a moro bigi Preikiman di ben de na grontapu (Yesaya 6:8; Yohanes 7:29). Te wan pionier e froisi go na wan farawe presi, dan a musu fiti ensrefi na a fasi fa den sma drape e libi. A kulturu, a weer nanga a nyanyan kan de heri tra fasi leki san a gwenti. Kande a musu leri wan tra tongo srefi. A skoro disi e yepi brada nanga sisa di no trow èn trowpaar di de na mindri 23 te go miti 65 yari fu leri fa den musu tyari densrefi te den de na ini a kontren fu den èn san den kan du so taki Yehovah nanga en organisâsi kan gebroiki den moro bun.

A Waktitoren Bijbelskoro Gilead. Sensi a Gileadskoro bigin na ini 1943, moro leki 8000 sma di klari a skoro disi seni go leki zendeling „te na den moro farawe presi fu grontapu” èn den ben abi bun bakapisi (Tori fu den apostel 13:47). Di nyun zendeling doro a fosi leisi na Peru, nowan gemeente ben de na ini a kondre disi. Ma now moro leki 1000 gemeente de drape. Di zendeling bigin preiki na ini Yapan, dan a kondre no ben abi tin Kotoigi drape ete. Ma now moro leki 200.000 Kotoigi de. Na ini den feifi mun di a Gileadskoro e hori, den studenti e studeri Gado Wortu finifini. Den wan di e kisi wan kari fu go na a skoro disi na spesrutu pionier, zendeling di e preiki na presi pe furu sma e libi, sma di e wroko na wan bijkantoro noso den wan di e dini leki kring-opziener. Na a skoro disi den e kisi bun leri so taki den kan gi brada nanga sisa na difrenti presi deki-ati èn so taki den kan horibaka gi a preikiwroko di e du na heri grontapu.

  • Fu san ede a Pionierskoro e hori?

  • Suma kan go na a Skoro gi Kownukondre preikiman?