Go na content

Go na a tra menu

Go na table of contents

Yehovah Kotoigi

Sranantongo

Suma e du a wani fu Yehovah na ini a ten disi?

 PISI 8

Fu san ede wi e weri krosi di fiti te wi e go na den konmakandra fu wi?

Fu san ede wi e weri krosi di fiti te wi e go na den konmakandra fu wi?

IJsland

Meksikow

Ginea-Bisaw

Filippijnen

Yu si na den prenki fu a brochure disi taki Yehovah Kotoigi e weri krosi di fiti, te den e go na den gemeente konmakandra fu den? Fu san ede wi e si en leki wan prenspari sani fu weri krosi èn moi wisrefi na wan fasi di fiti?

Fu sori taki wi e lespeki wi Gado. A tru taki Gado no e luku soso san na ai e si (1 Samuel 16:7). Ma te wi e kon makandra fu anbegi en, dan wi wani sori trutru taki wi e lespeki en èn wi brada nanga sisa. Te wi ben o abi fu kon na fesi wan kownu noso presidenti, dan wi ben o weri krosi di fiti fu di wi e lespeki en. Na so a de tu taki te wi e kon na den konmakandra fu wi, dan wi e weri krosi di fiti fu di wi e lespeki Yehovah Gado, „a têgo Kownu”, èn wi e lespeki a presi pe wi e anbegi en.1 Timoteyus 1:17.

Fu sori na sortu markitiki wi e hori wisrefi. Bijbel e gi Kresten deki-ati fu weri krosi „na wan lespeki fasi èn nanga krin frustan” (1 Timoteyus 2:9, 10). Te wi e weri krosi „na wan lespeki fasi”, dan wi no o weri krosi di abi furu pranpran, di e wiki den sekslostu fu sma, di e poti wi skin na doro, noso di o hari a prakseri fu sma. Te wi de „nanga krin frustan”, dan dati o yepi wi tu fu weri moi krosi di no syabisyabi èn di no de tumusi aparti. Den markitiki disi no e tapu wi fu weri krosi di wisrefi feni moi. Te wi e weri krosi di moi èn di fiti, dan wi kan ’moi a leri fu wi Frulusuman’ èn wi kan „gi Gado glori” (Titus 2:10; 1 Petrus 2:12). Sobun, te wi e weri krosi di fiti te wi e go na den konmakandra fu wi, dan dati abi krakti tapu a fasi fa trawan e si na anbegi fu Yehovah.

Srefi efu yu no abi den sortu krosi di wi gwenti weri na den konmakandra fu wi, toku yu kan kon na a Kownukondre zaal. Wi kan weri krosi di fiti èn di krin, sondro taki den musu diri noso taki den musu de na modo.

  • Fu san ede a de prenspari taki wi e weri krosi di fiti, te wi e anbegi Gado?

  • Na sortu markitiki wi e hori wisrefi te wi o bosroiti sortu krosi wi o weri èn fa wi o moi wisrefi?