Go na content

Go na a tra menu

Go na table of contents

Yehovah Kotoigi

Sranantongo

Suma e du a wani fu Yehovah na ini a ten disi?

 PISI 13

Suma na wan pionier?

Suma na wan pionier?

Kanada

Oso fu oso preikiwroko

Bijbelstudie

Wan pionier e studeri nanga ensrefi

A wortu pionier abi fu du nanga wan sma di opo a pasi gi trawan fu go doro nanga san a ben bigin. Yesus ben de leki wan pionier. Gado ben seni en kon na grontapu fu bigin nanga wan wroko di o gi sma libi èn di o gi den na okasi fu kisi frulusu (Mateyus 20:28). Na ini a ten disi den bakaman fu en e teki na eksempre fu en fu di den e wroko so furu leki den man fu ’meki disipel’ (Mateyus 28:19, 20). Son preikiman bigin nanga a wroko di wi e kari a pionierwroko.

Wan pionier e si a preikiwroko leki a moro prenspari wroko fu en. Ala Kotoigi fu Yehovah na preikiman fu a bun nyunsu. Ma sonwan fu den seti sani so taki den kan dini leki gewoon pionier. Den sma disi e wroko 70 yuru ibri mun na ini a preikiwroko. Fu man du disi, den e wroko wan tu dei na ini a wiki, noso den no e wroko so langa. Trawan e kisi a wroko fu dini leki spesrutu pionier na ini kontren pe moro Kownukondre preikiman de fanowdu. Den e wroko 130 yuru noso moro ibri mun na ini a preikiwroko. Den pionier breiti fu libi nanga den moro prenspari sani di den abi fanowdu, fu di den de seiker taki Yehovah o gi den san den abi fanowdu (Mateyus 6:31-33; 1 Timoteyus 6:6-8). Den preikiman di no man go na ini a gewoon noso a spesrutu pionierwroko, kan dini leki yepipionier efu den man. Den e wroko 30 noso 50 yuru na ini wan mun.

Wan pionier e du a wroko disi fu di a lobi Gado nanga tra sma. Neleki Yesus, wi e si taki a de fanowdu taki furu sma musu kon sabi Gado nanga den sani di a abi na prakseri (Markus 6:34). Wi abi a sabi di kan yepi den nownow kaba èn di kan gi den wan trutru howpu gi a ten di e kon. Fu di wan pionier lobi tra sma, meki a e gi furu fu en ten nanga en krakti fu yepi sma fu kon sabi a bun nyunsu (Mateyus 22:39; 1 Tesalonikasma 2:8). Disi e meki taki a bribi fu a pionier e kon moro tranga, a e kon moro krosibei na Gado, èn a e kon moro koloku.Tori fu den apostel 20:35.

  • Suma na wan pionier?

  • San e meki taki son preikiman e go na ini a pionierwroko?