Go na content

Go na a tra menu

Go na table of contents

Yehovah Kotoigi

Sranantongo

Suma e du a wani fu Yehovah na ini a ten disi?

 PISI 16

San den dinari ini a diniwroko e du?

San den dinari ini a diniwroko e du?

Mianmar

Prati na den konmakandra

Preikiwroko grupu

Ondrow a Kownukondre zaal

Bijbel e taki fu tu grupu Kresten brada di abi frantwortu na ini a gemeente. Den na „den brada di e teki fesi na ini a gemeente nanga den dinari ini a diniwroko” (Filipisma 1:1). Nofo tron wan tu owruman nanga dinari ini a diniwroko de na ini ibri gemeente. San den dinari ini a diniwroko e du gi wi?

Den e yepi den owruman fu a gemeente. Den yongu dinari ini a diniwroko èn den owruwan abi wan bun matifasi nanga Yehovah, den e du den wroko bun èn den de fu frutrow. Den e du prenspari wroko fu orga sani na ini a gemeente èn na ini a Kownukondre zaal. Na so fasi den owruman abi moro ten fu gi leri èn fu gi ala brada nanga sisa deki-ati.

Den wroko di den e du na ini a gemeente. Son dinari ini a diniwroko kisi a wroko leki zaalwaktiman fu gi ala sma di e kon na den konmakandra wan switikon. Trawan kan kisi a frantwortu fu sorgu gi poku di e prei na ini a zaal, fu gi den brada nanga sisa buku nanga tijdschrift, fu luku moni tori, èn fu sori den memre fu a gemeente na ini sortu kontren den musu preiki. Den e yepi fu ondrow a Kownukondre zaal. Den owruman kan aksi den fu yepi den owru brada nanga sisa. Den dinari ini a diniwroko de klariklari fu du iniwan wroko di den kisi fu du. Fu dati ede a gemeente e lespeki den.1 Timoteyus 3:13.

Den brada disi na bun eksempre. Brada e tron dinari ini a diniwroko fu di den e sori moi Kresten fasi. Te den e hori den difrenti prati na den konmakandra, dan den e tranga a bribi fu wi. Fu di den de wan bun eksempre na ini a preikiwroko, meki dati e yepi wi fu abi moro faya. Den e wroko bun nanga den owruman èn dati e meki taki prisiri nanga wánfasi de na ini a gemeente (Efeisesma 4:16). Bakaten den srefi kan doro den markitiki fu dini leki owruman.

  • Sortu fasi den dinari ini a diniwroko abi?

  • Fa den dinari ini a diniwroko e yepi fu meki sani waka bun na ini a gemeente?