Go na content

Go na a tra menu

Go na table of contents

Yehovah Kotoigi

Sranantongo

Moi les di yu kan leri fu Bijbel

Wan brifi fu a Tiri Skin

Wan brifi fu a Tiri Skin

Lobi brada nanga sisa:

Wi leki anbegiman fu Yehovah lobi en Wortu, Bijbel. Wi de seiker taki den sani di skrifi na ini Bijbel, pasa trutru. Wi de seiker tu taki a e gi bun rai gi a libi èn krin buweisi taki Yehovah lobi libisma (Psalm 119:105; Lukas 1:3; 1 Yohanes 4:19). Wi wani yepi sma trutru fu kon sabi den moi tori na ini Gado Wortu. Dati meki wi breiti taki wi meki a buku disi di nen, Moi les di yu kan leri fu Bijbel. Meki wi fruteri yu pikinso fu a buku disi.

Na a fosi presi, a buku disi meki gi pikin-nengre. Ma wi kan gebroiki en tu fu yepi bigisma di wani kon sabi moro fu Bijbel. Èn fu di Bijbel na wan buku gi ala sma, meki wi de seiker taki wi alamala o kisi wini te wi o leisi den les na ini a buku disi. Den sa yepi wi fu de koloku trutru.

Den Bijbel tori na ini a buku disi e taki fa sani waka nanga libisma sensi di Gado meki den. Wi du furu muiti fu skrifi den Bijbel tori na wan krin èn makriki fasi. Boiti dati, wi du ala san wi man fu skrifi den tori soleki fa den pasa a wan baka a trawan.

Ma a buku disi no e taki nomo fu Bijbel tori. A fasi fa a skrifi èn den prenki na ini e yepi wi fu si san ben pasa. Den prenki e sori tu fa den sma ben e firi.

A buku disi e yepi wi fu si taki Bijbel e taki fu sma di ben libi trutru. A e taki fu sma di gi yesi na Yehovah èn fu sma di no du dati. A e yepi wi tu fu leri wan sani fu na eksempre fu den sma disi (Romesma 15:4; 1 Korentesma 10:6). A buku prati na ini 14 pisi. Na a bigin fu ibri pisi skrifi san wi o leri na ini a pisi dati.

 Efu yu abi pikin, yu kan leisi wan les nanga den èn yu kan taki fu den prenki. Baka dati unu kan leisi den Bijbeltekst fu a les. Yepi yu pikin fu si taki den sani di unu e leisi na ini a buku, komoto fu Bijbel. Yu kan du a srefi sani te yu e yepi wan bigisma fu kon sabi den tori na ini Bijbel.

Wi howpu taki a buku disi o yepi ala reti-ati sma, yonguwan nanga owruwan, fu leri prenspari sani na ini Gado Wortu èn fu du san den leri. Disi kan yepi den fu dini Yehovah makandra nanga den tra anbegiman fu en di de leki wán bigi famiri.

Un brada,

A Tiri Skin fu Yehovah Kotoigi