Go na content

Go na a tra menu

Go na table of contents

Yehovah Kotoigi

Sranantongo

Moi les di yu kan leri fu Bijbel

Biginwortu fu pisi 9

Biginwortu fu pisi 9

A pisi disi e leri wi fu yongusma, profeiti èn kownu di ben abi wan tranga bribi na ini Yehovah. Na ini Siria, wan pikin meisje fu Israel ben bribi taki a profeiti fu Yehovah ben man dresi Naman. A profeiti Elisa ben abi a tranga bribi taki Yehovah ben o kibri en gi wan legre di ben kon fu teki en tyari gowe. Granpriester Yoyada kibri Yoas gi en ogri granmama Atalia. A du disi aladi a ben kan lasi en libi. Kownu Heskia ben abi a frutrow taki Yehovah ben o yepi Yerusalem. A no meki den Asiriasma tapu skreki gi en. Kownu Yosia puru falsi anbegi na ini a kondre, a meki a tempel kon bun baka èn a meki a pipel anbegi a tru Gado baka.

TAPU A BLADZIJDE DISI

LES 51

Wan pikin meisje yepi wan legre-edeman

Wan yongu meisje fu Israel e taigi en basi fu a makti fu Yehovah. Bakaten Yehovah e du wan wondru.

LES 52

Wan bigi legre di de leki faya

A futuboi fu Elisa e kon si taki ’den wan di de nanga wi, furu moro den wan di de nanga den.’

LES 53

Yoyada ben abi deki-ati

Wan priester di ben e tan dini Yehovah no ben e frede na ogri umakownu.

LES 54

Yehovah ben abi pasensi nanga Yona

Fa a du kon taki wan bigi fisi swari wan fu den profeiti fu Gado? Fa a ben man komoto na ini a bere fu a fisi? San Yehovah leri en?

LES 55

Na engel fu Yehovah e kibri Heskia

Den feanti fu Yuda ben taki dati Yehovah no o kibri a pipel fu en, ma den kori densrefi!

LES 56

Yosia ben lobi a Wet fu Gado

Yosia tron kownu di a ben abi aiti yari èn a yepi a pipel fu anbegi Yehovah.