Go na content

Go na a tra menu

Go na table of contents

Yehovah Kotoigi

Sranantongo

Moi les di yu kan leri fu Bijbel

Biginwortu fu pisi 6

Biginwortu fu pisi 6

Di den Israelsma doro a Pramisi Kondre, a tabernakel tron a moro prenspari presi pe den ben e anbegi Yehovah. Den priester ben e leri a pipel den wet fu Yehovah èn den krutuman ben e tiri a pipel. Na ini a pisi disi wi o si taki den bosroiti di wan sma e teki èn den sani di a e du kan abi krakti tapu trawan. Ibri Israelsma ben musu gi frantwortu na Yehovah èn na tra sma fu den sani di a e du. Luku fa Debora, Naomi, Hana, na umapikin fu Yefta nanga Samuel ben de wan moi eksempre gi den sma na ini a kontren pe den ben e libi. Yu o si taki srefi sma di no ben de fu Israel, soleki Rakab, Rut, Yael nanga den Gibeonsma bosroiti fu teki a sei fu den Israelsma fu di den ben sabi taki Gado ben de nanga den.

TAPU A BLADZIJDE DISI

LES 29

Yehovah poti Yosua leki fesiman

Gado gi Yosua rai di kan yepi wi na ini a ten disi tu.

LES 30

Rakab kibri den tu man di go luku a foto

Den skotu fu Yerikow broko fadon. Ma na oso fu Rakab no fadon, aladi a ben de na tapu a skotu.

LES 31

Yosua nanga den Gibeonsma

Yosua begi Gado: “Son, tan tanapu!” Gado du san a aksi?

LES 32

Wan nyun fesiman nanga tu deki-ati uma

Baka di Yosua dede, den Israelsma bigin anbegi falsi gado. Den ben pina hebi, ma den kisi yepi fu Krutuman Barak, na umaprofeiti Debora, nanga Yael di kiri Sisera nanga a pen fu en tenti!

LES 33

Rut nanga Naomi

Tu uma di masra ben dede kaba e drai go baka na Israel. Wan fu den uma, Rut, ben go wroko na den gron. Di Rut ben de drape, Boas si taki a ben e wroko tranga.

LES 34

Gideon wini den Midiansma

Den Israelsma begi Yehovah fu yepi den fu di den Midiansma ben e pina den. Fa a pikin legre fu Gideon wini wan bigi legre fu 135.000 srudati?

LES 35

Hana e begi Gado fu gi en wan manpikin

Elkana ben tyari Hana, Penina, nanga den pikin go na a tabernakel na Silo fu anbegi Yehovah. Drape Hana e begi Gado fu gi en wan manpikin. Wán yari baka dati Samuel gebore!

LES 36

A pramisi di Yefta meki

Sortu pramisi Yefta meki èn fu san ede? San na umapikin fu Yefta du di a yere sortu pramisi en papa meki?

LES 37

Yehovah e taki nanga Samuel

Granpriester Eli ben abi tu manpikin di ben wroko leki priester na a tabernakel, ma den no ben e gi yesi na den wet fu Gado. Samuel ben de heri tra fasi èn Yehovah ben taki nanga en.

LES 38

Yehovah ben meki Simson kon tranga

Gado ben meki Simson tranga fu man feti nanga den Filisteasma. Ma di Simson teki wan don bosroiti, den Filisteasma grabu en poti na strafu-oso.