Tu mun baka di den Israelsma pasa na ini a Redi Se, den doro na Sinai-bergi. Drape Yehovah meki wan frubontu nanga den. A taigi den taki den ben o de en spesrutu pipel. A kibri den èn a gi den ala san den ben abi fanowdu. A gi den mana fu nyan, a sorgu taki den krosi fu den no ben e pori èn taki ogri no miti den. Efu yu abi pikin, dan yepi den fu frustan fu san ede Yehovah gi den Israelsma a Wet, a gi den wan tabernakel nanga priester. Sori yu pikin o prenspari a de fu du san den pramisi, fu tan abi sakafasi èn fu gi yesi na Yehovah ala ten.