Go na content

Go na a tra menu

Go na table of contents

Yehovah Kotoigi

Sranantongo

Moi les di yu kan leri fu Bijbel

 LES 8

Abraham nanga Sara e du san Gado taki

Abraham nanga Sara e du san Gado taki

Krosibei fu Babel wan foto ben de di nen Ur. Den sma drape no ben e dini Yehovah, ma den ben e dini furu tra gado. Ma wan man ben de na ini Ur di ben e anbegi Yehovah wawan. En nen na Abraham.

Yehovah taigi Abraham: ’Gowe libi yu oso nanga yu famiri èn go na wan kondre di mi o sori yu.’ Baka dati Gado pramisi en: ’Mi o meki yu tron afo fu wan bigi pipel èn fu yu ede mi o du bun sani gi furu sma na heri grontapu.’

Abraham no ben sabi pe Yehovah ben seni en go, ma a ben e frutrow tapu Yehovah. Dati meki Abraham, en frow Sara, en papa Tera nanga en neef Lot teki den sani fu den, dan den bigin teki waka go na wan farawe presi, soleki fa Yehovah ben taigi den fu du.

Abraham ben abi 75 yari di en nanga en famiri doro na ini a kondre  di Yehovah ben wani sori den. A kondre ben nen Kanan. Drape Gado taki nanga Abraham èn a pramisi en a sani disi: ’Mi o gi den pikin fu yu a heri kondre di yu e si dyaso.’ Ma Abraham nanga Sara ben owru èn den no ben abi nowan pikin. Sobun, fa Yehovah ben o du san a pramisi den?

„Na fu di Abraham ben abi bribi, meki a gi yesi di Gado kari en fu go na wan presi di a ben o kisi leki gudu. Sobun, a gowe libi a kondre fu en, aladi a no ben sabi pe a ben e go.”​—Hebrewsma 11:8