Go na content

Go na a tra menu

Go na table of contents

Yehovah Kotoigi

Sranantongo

Moi les di yu kan leri fu Bijbel

 LES 103

„Meki yu Kownukondre kon”

„Meki yu Kownukondre kon”

Yehovah pramisi a sani disi: ’Nowan krei, pen, siki nanga dede o de moro. Mi o figi ala watra puru na den ai. Den o frigiti ala den ogri sani di pasa.’

Yehovah poti Adam nanga Eva na ini a dyari fu Eden fu libi na ini freide èn fu de koloku. Den ben musu dini den Papa na hemel èn den ben musu kisi pikin teleki den furu grontapu. Adam nanga Eva trangayesi Yehovah, ma Yehovah no kenki prakseri. Na ini a buku disi wi si taki Gado e du ala san a pramisi. A Kownukondre fu en o tyari moi blesi kon gi grontapu, soleki fa a ben pramisi Abraham.

Heri esi Satan, den ogri yeye fu en nanga den ogrisma no o de moro. Ala sma di o de na libi o anbegi Yehovah. Wi no o kon siki èn wi no o dede. Na presi fu dati, ibri mamanten te wi o wiki wi o abi furu krakti èn wi o breiti taki wi de na libi. Grontapu o tron wan paradijs.  Ala sma o abi bun nyanyan nanga wan bun oso. Sma o abi switifasi. Den no o du ogri. Den meti no o frede wi èn wi no o abi fu frede den.

A o de wan span ten te Yehovah o bigin gi dedesma wan opobaka. Wi o man miti sma fu fositen, soleki Abel, Noa, Abraham, Sara, Moses, Rut, Ester nanga David. Den o yepi wi fu meki grontapu tron wan paradijs. Ala ten moi wroko o de fu du.

Yehovah wani taki yu musu de drape. Yu o kon sabi en moro bun srefi. Meki wi kon krosibei na Yehovah ala dei. Iya, meki wi du dati fu têgo!

„Na yu, Yehovah wi Gado, warti fu sma prèise yu gi a glori, a grani nanga a makti di yu abi, bika na yu meki ala sani.”​—Openbaring 4:11