Go na content

Go na a tra menu

Go na table of contents

Yehovah Kotoigi

Sranantongo

Leri den pikin fu yu

 LES 8

Yosia ben abi bun mati

Yosia ben abi bun mati

Yu denki taki a muilek fu du san bun?​— Furu sma feni taki a muilek. Bijbel e fruteri wi fu wan boi di ben nen Yosia. A ben muilek gi en fu du san bun. Ma a ben abi bun mati di ben yepi en. Meki wi leri moro fu Yosia nanga den mati fu en.

A papa fu Yosia ben de Amon. Amon ben de wan kownu fu Yuda. Amon ben ogri srefisrefi èn a ben e anbegi falsi gado. Di a papa fu Yosia dede, dan Yosia tron kownu fu Yuda. Ma a ben abi aiti yari nomo! Yu denki taki a ben ogri leki en papa?​— No, Yosia no ben ogri!

Sefanya warskow den sma fu no anbegi falsi gado

Srefi di Yosia ben de wan pikin boi a ben wani du san Yehovah taki. Dati meki a ben suku soso mati di lobi Yehovah. Den mati fu Yosia ben yepi en fu du san bun. Suma ben de wan tu fu den mati fu Yosia?

Wan fu den mati fu en ben de Sefanya. Sefanya ben de wan profeiti di ben warskow den sma fu Yuda taki Yehovah ben o strafu den efu den ben o anbegi falsi  gado. Yosia arki Sefanya èn a anbegi Yehovah. A no anbegi falsi gado.

Wan tra mati fu Yosia ben de Yeremia. A ben abi a srefi yari leki Yosia, èn den ben tan na ini a srefi birti di den ben yongu. Yosia nanga Yeremia ben de bun mati. Dati meki di Yosia dede, Yeremia skrifi wan moi singi fu sori o furu a ben misi Yosia. Yeremia nanga Yosia ben yepi makandra fu du san bun èn fu du san Yehovah taki.

Yosia nanga Yeremia ben yepi makandra fu du san bun

San yu kan leri fu Yosia?​— Srefi di Yosia ben de wan pikin boi ete a ben wani du san bun. A ben sabi taki a ben musu suku mati di lobi Yehovah. Yu srefi musu suku mati di lobi Yehovah èn di kan yepi yu fu du san bun!

LEISI NA INI YU BIJBEL