Go na content

Go na a tra menu

Go na table of contents

Yehovah Kotoigi

Sranantongo

Leri den pikin fu yu

 LES 14

Wan Kownukondre di o tiri heri grontapu

Wan Kownukondre di o tiri heri grontapu

Yu sabi san na a Kownukondre disi?​— Iya, na a Kownukondre fu Gado. A Kownukondre disi o meki grontapu tron wan paradijs. Yu wani sabi moro fu a Kownukondre disi?​—

Ibri kownukondre abi wan kownu. A kownu e tiri den sma na ini en kondre. Yu sabi suma na a Kownu fu Gado Kownukondre?​— Na Yesus Krestes. A e tan na hemel. Heri esi a o tron Kownu fu ala sma na grontapu! Yu denki taki wi o de koloku te Yesus de Kownu fu heri grontapu?​—

San yu o du te yu de na ini Paradijs?

Iya, wi o de koloku! Na ini Paradijs, sma no o meki trobi moro èn nowan sma o feti. Ala sma o lobi makandra. Nowan sma o siki èn nowan sma o dede. Den brenisma o man si baka èn den dofu sma o man yere baka. Den sma di no man waka, o man lon èn dyompo tu. Ala sma o abi furu nyanyan. Den meti o prei nanga makandra èn wi o man prei nanga den meti. Den sma di dede, o libi baka. Den man nanga uma di yu leri sabi na ini a brochure disi o kon na libi tu. Iya, Rebeka, Rakab, David, Elia nanga furu tra  sma! Yu ben o wani miti den te den o libi baka?​—

Yehovah lobi yu èn a wani taki yu de koloku. Efu yu e tan leri sani fu Yehovah èn yu e du san a taki, dan yu o man libi fu ala ten na ini wan moi paradijs! Yu wani dati?​—