2 Korentesma 2:17

SAN YU MUSU DU: Taki soleki fa yu gwenti taki ala dei. Meki sma si taki a tori di yu e taki prenspari gi yu, taki yu e taki komoto fu yu ati èn taki yu wani leri den wan sani.

FA YU KAN DU DISI:

  • Begi èn sreka yusrefi bun. Begi Yehovah meki a yepi yu fu no poti prakseri na yusrefi, ma na a boskopu. Hori na prakseri san na den moro prenspari sani di yu wani meki sma kon sabi. Taki sani nanga yu eigi wortu. No leisi langalanga fu wan papira noso wan buku.

  • Taki komoto fu yu ati. Prakseri fu san ede den arkiman musu yere a boskopu. Poti prakseri na den. Dan a fasi fa yu e tanapu, den gebaar di yu e meki, a fasi fa yu e luku noso a fasi fa yu e taki o sori taki yu e broko yu ede nanga den èn taki yu abi switifasi.

  • Luku den arkiman. Efu a fiti, dan luku a sma na ini en ai. Te yu e hori wan lezing, dan ten na ten meki muiti fu luku wan sma na ini a grupu na presi fu luku lontu fu si a heri grupu.