Go na content

Go na a tra menu

Go na table of contents

Yehovah Kotoigi

Sranantongo

2017 kongres programa

Wan tu sani gi sma di e kon na a kongres

Wan tu sani gi sma di e kon na a kongres

 Wan tu sani gi sma di e kon na a kongres

SPESRUTU KONMAKANDRA

BETEL DINIWROKO Dopu preikiman di abi 35 yari noso moro yongu èn di wani go dini na Betel musu sreka sani fu go na a konmakandra di o hori freida bakadina. Den brada o meki bekènti o ten èn pe dati o hori.

SKORO GI KOWNUKONDRE PREIKIMAN Pionier di abi 23 yari te go miti 65 yari, di wani du moro na ini a diniwroko èn di wani go na a Skoro gi Kownukondre preikiman, e kisi a kari fu go na a konmakandra di o hori sonde bakadina. Den brada o meki bekènti o ten èn pe dati o hori.

 WAN TU SANI GI SMA DI E KON NA A KONGRES

YEPIMAN Den yepiman abi a frantwortu fu yepi yu. Grantangi, wroko makandra nanga den te den e sori yu pe yu musu poti yu oto, yu bromfiets noso yu baisigri, te den e sori yu pe yu musu waka, te den e aksi yu fu no hori sidonpresi gi tra sma, noso te den e aksi yu tra sani.

DOPU Na a fosi rèi na fesi a podium, sidonpresi sreka gi den sma di o teki dopu. Fosi a dopu-lezing bigin satra mamanten, den sma di o teki dopu musu kon sidon na den presi di sreka gi den. Ibriwan fu den musu tyari wan wasiduku èn dopukrosi di fiti.

BIJDRAGE Furu kostu meki fu sorgu gi nofo sidonpresi, geluid, sani fu sori felem, nanga wan lo tra sani, so taki a kongres o de wan prisiri sani èn taki a o yepi wi fu kon krosibei na Yehovah. Den bijdrage di yu e gi e yepi fu pai den kostu disi èn den e yepi tu fu horibaka gi a wroko di e du na heri grontapu. Fu meki en makriki gi yu, dan na difrenti presi na a kongres disi, yu o si boksu pe yu kan poti bijdrage. Wi e warderi ala den bijdrage disi trutru. A Tiri Skin wani taki yu tangi taki yu e horibaka gi a Kownukondre wroko di e du na heri grontapu.

EHBO Hori na prakseri taki na afdeling disi de SOSO TE WAN TRUTRU NOWTU DE.

SANI DI YU LASI ÈN SANI DI TRA SMA FENI Efu wan sma feni wan sani, dan a musu tyari en go na a afdeling di abi a frantwortu fu den sani disi. Efu yu lasi wan sani, dan yu kan go na a afdeling disi fu si efu a sani di yu lasi de drape. Te wan pikin lasi fu di a waka gowe fu en papa nanga mama, dan sma musu tyari en go na a afdeling disi. Ma wi no musu si na afdeling disi leki wan presi pe sma e luku den pikin fu yu. Grantangi, luku den pikin fu yu èn hori den na yu.

SIDONPRESI Grantangi, hori trawan na prakseri. Memre taki yu kan hori sidonpresi soso gi sma di e kon makandra nanga yu, gi sma di e libi nanga yu na ini a srefi oso, noso gi den wan di e studeri nanga yu. Grantangi, no poti sani na tapu den tra sidonpresi di yu no e hori gi den sma disi.

FRIWANI WROKO Efu yu wani yepi nanga den difrenti wroko di musu du na a kongres, dan grantangi go na a afdeling disi fu gi yu nen.

NO GI ABRA!

Kongres fu Yehovah Kotoigi 2017

A Tiri Skin fu Yehovah Kotoigi seti a programa disi