Go na content

Go na a tra menu

Go na table of contents

Yehovah Kotoigi

Sranantongo

Gado Kownukondre e tiri!

Kruktu-anusei: Kotoigi fu Switserland seni sani gi den Kotoigi fu Doisrikondre na ini 1946; reti-anusei: Baka a tsunami na ini 2011, den e bow wan Kownukondre zaal baka na ini Yapan

 PISI 6

Gado pipel e horibaka gi a Kownukondre​—Den e du bow-wroko èn den e yepi te rampu de

Gado pipel e horibaka gi a Kownukondre​—Den e du bow-wroko èn den e yepi te rampu de

 YU E waka go na ini a Kownukondre zaal èn yu e si taki a heri presi kenki. Yu lobi a presi disi trutru. Kande yu srefi yepi bow a zaal wan tu yari pasa èn yu e memre fa dati ben e gi yu prisiri. Ma now yu breiti moro taki yu abi a Kownukondre zaal, fu di den e gebroiki en fu wan pisi ten fu yepi den brada nanga sisa di kisi fu du nanga wan rampu. Wan bigi winti pori a heri kontren pe yu e libi èn a tyari wan bigi frudu kon. Ma esi-esi a Bijkantoro Komte seti sani fu tyari nyanyan, krosi, krin watra, nanga tra sani gi den brada nanga sisa drape. Den seti den sani disi bun na ini a zaal. Brada nanga sisa e kon na inisei èn den e kisi san den abi fanowdu. Den ai furu nanga watra fu di den breiti taki den e kisi yepi.

Yesus ben taki dati den bakaman fu en ben o lobi makandra trutru (Yoh. 13:34, 35). Na ini Pisi 6 fu a buku disi wi o luku fa Yehovah Kotoigi e sori a lobi disi te den e du bow-wroko èn te den e yepi trawan di kisi fu du nanga rampu. A lobi disi na wan krin buweisi taki Kownu Yesus e tiri wi.

TAPU A BLADZIJDE DISI

KAPITEL 18

Fa Gado pipel e kisi moni fu du a Kownukondre wroko?

Pe a moni e komoto? Fa wi e gebroiki en?

KAPITEL 19

Bow-wroko di e gi Yehovah grani

Den konmakandra presi fu wi e gi Gado grani, ma wan tra sani de moro prenspari gi en.

KAPITEL 20

Gado e kisi glori te wi e yepi wi brada nanga sisa di de na nowtu

Fu san ede a yepi di wi e yepi den wan di de na nowtu na santa wroko tu di wi e du gi Yehovah?