Go na content

Go na a tra menu

Go na table of contents

Yehovah Kotoigi

Sranantongo

Gado Kownukondre e tiri!

Kruktu-anusei: Na ini 1945 skowtu hori wan brada fu di a ben e preiki na ini Eindhoven na Bakrakondre; reti-anusei: Sma abi a reti fu preiki na ini a kondre pe yu e tan?

 PISI 4

Krutu-afersi di a Kownukondre wini​—Gado pipel feti gi a reti fu preiki a bun nyunsu

Krutu-afersi di a Kownukondre wini​—Gado pipel feti gi a reti fu preiki a bun nyunsu

 WAN dei te yu e preiki oso fu oso, yu e yere wan skowtu-wagi e bari. Safrisafri a e kon moro krosibei. Te yu e bigin taki nanga a sma na a tra oso, yu preikiwroko patna e drai luku fu di a skowtu-wagi e stop leti na un sei. Wan skowtu e komoto na ini a wagi, dan a e waka kon na unu. A e taki: „Na unu na den sma di e go na sma oso fu taki nanga den fu Bijbel? Sma bel wi taki unu e muilek den!” Na wan lespeki fasi yu e piki a skowtu èn yu e taki dati unu na Yehovah Kotoigi. San o pasa now?

Na ini son kondre lanti tapu Kotoigi fu du a preikiwroko. Fa a de na ini a kondre fu yu? Sma na ini a kondre fu yu de fri fu abi den eigi bribi? Efu disi de so, dan kande na ini den yari di pasa den Kresten brada nanga sisa fu yu ’opo taki gi a bun nyunsu èn den du ala san den man fu meki lanti gi wi a reti fu preiki’ (Fil. 1:7). Awinsi pe yu e libi, yu kan kisi wan moro tranga bribi te yu e prakseri den krutu-afersi di Yehovah Kotoigi wini. Na ini Pisi 4 fu a buku disi wi o luku wan tu fu den span tori dati. Den krutu-afersi di wi wini e sori krin taki a Kownukondre na wan trutru sani, fu di wi wawan no ben o man wini den afersi disi noiti!

TAPU A BLADZIJDE DISI

KAPITEL 13

Kownukondre preikiman go na krutubangi

Na ini a ten disi son krutuman fu Grankrutu abi a srefi denki leki Gamaliyel, wan leriman fu a Wet na ini owruten.

KAPITEL 14

Gado pipel e horibaka fayafaya gi Gado Kownukondre wawan

Yehovah Kotoigi kisi furu frufolgu fu di den no e teki sei na ini politiek, ma toku den kisi yepi aladi den no ben fruwakti dati.

KAPITEL 15

Gado pipel feti gi a reti fu anbegi en

Gado pipel feti fu kisi a reti fu gi yesi na den wet fu Gado Kownukondre.