Go na content

Go na a tra menu

Go na table of contents

Yehovah Kotoigi

Sranantongo

Gado Kownukondre e tiri!

Kruktu-anusei: Wan sisa di de kolporteur e preiki na Korea na ini 1931; reti-anusei: Den e preiki na ini Dofusma-tongo na Korea na ini a ten disi

 PISI 2

A Kownukondre preikiwroko​—A bun nyunsu e preiki na heri grontapu

A Kownukondre preikiwroko​—A bun nyunsu e preiki na heri grontapu

 WAN dei te yu no abi fu go na wroko, yu e opo fruku mamanten fu sreka yusrefi gi a preikiwroko. Fu di yu weri pikinso, yu e denki: „A ben o switi efu mi ben man sribi go doro!” Ma dan yu e begi èn toku yu e go. Na ini a preikiwroko yu e wroko nanga wan owru sisa. A switifasi fu en èn a fasi fa a e horidoro e naki yu ati trutru. Te yu e preiki oso fu oso yu e prakseri fa den brada nanga sisa fu yu na heri grontapu e tyari a srefi boskopu, den e gebroiki den srefi buku, èn den e kisi a srefi leri. Bakaten te yu doro na oso, yu e firi taki yu kisi krakti baka. Yu breiti taki yu no tan na oso!

Na ini a ten disi a preikiwroko na a moro prenspari wroko di Kresten musu du na ondro a tiri fu Gado Kownukondre. Yesus ben taki na fesi dati a preikiwroko ben o du na heri grontapu na ini den lasti dei (Mat. 24:14). Fa a profeititori disi kon tru? Na ini Pisi 2 fu a buku disi wi o luku suma e du a preikiwroko, na sortu fasi den e du a wroko disi èn san den e gebroiki fu du a wroko. Nanga yepi fu a preikiwroko milyunmilyun sma na heri grontapu man si taki Gado Kownukondre na wan trutru sani.

TAPU A BLADZIJDE DISI

KAPITEL 6

Sma di e du a preikiwroko​—Preikiman de klariklari fu du a wroko

Fu san ede Yesus ben de seiker taki a ben o abi wan legre fu preikiman na ini den lasti dei? Fa yu kan sori taki yu e suku a Kownukondre fosi?

KAPITEL 7

Difrenti fasi fu du a preikiwroko​—Na ala sortu fasi den e suku fu panya a bun nyunsu

Luku fa Gado pipel gebroiki nyun fasi fu panya a bun nyunsu gi someni sma leki den man, fosi a kaba kon

KAPITEL 8

Difrenti sani fu du a preikiwroko​—Den e meki buku nanga tijdschrift fu preiki na heri grontapu

Fa a vertaal-wroko fu wi e sori taki Yesus e horibaka gi wi? Sortu sani fu den buku fu wi e sori yu taki a Kownukondre tru?

KAPITEL 9

Den bakapisi fu a preikiwroko​—’A nyanyan na den gron lepi kaba fu koti’

Yesus leri den bakaman fu en tu prenspari sani di abi fu du nanga a moro bigi kotiwroko. San den sani disi abi fu du nanga wi na ini a ten disi?