Go na content

Go na a tra menu

Go na table of contents

Yehovah Kotoigi

Sranantongo

Mi buku nanga Bijbel tori

Pisi 4: Fu a fosi kownu fu Israel teleki a katibo na ini Babilon

Pisi 4: Fu a fosi kownu fu Israel teleki a katibo na ini Babilon

Saul ben tron a fosi kownu fu Israel. Ma Yehovah ben trowe en èn ben poti David leki kownu na en presi. Wi e kon sabi furu sani fu David. Leki wan yongu boi, a ben feti nanga a langa man Goliat. Bakaten a ben lowe gi a dyarusu Kownu Saul. Dan a moi uma Abigail ben tapu en fu du wan law sani.

Dan wi e kon sabi furu sani fu David manpikin Salomo, di ben teki David presi leki kownu fu Israel. Ibriwan fu den dri kownu fu Israel ben tiri 40 yari langa. Baka a dede fu Salomo, dan Israel ben kon prati na tu kownukondre, wan noordsei nanga wan zuidsei kownukondre.

A tin-lo kownukondre na noordsei ben tan 257 yari bifo den Asiriasma ben pori en. Dan 133 yari na baka, a tu-lo kownukondre na zuidsei ben kisi pori sosrefi. A leisi disi den ben tyari den Israelsma go na Babilon leki strafuman. Sobun, na ini Pisi 4 wi e taki fu 510 yari historia, pe bun furu span tori e pasa na wi fesi.

Kownu Salomo e begi