Go na content

Go na a tra menu

Go na table of contents

Yehovah Kotoigi

Sranantongo

Mi buku nanga Bijbel tori

Tori 49: Son e tan tanapu

Tori 49: Son e tan tanapu

LUKU Yosua pikinso. A e taki: ’Son, tan tanapu!’ Èn son e tan tanapu. Son e tan hei na loktu wan heri dei langa. Na Yehovah e meki disi pasa! Ma meki wi luku fu san ede Yosua wani taki son musu tan skèin.

Son

Te den feifi ogri kownu fu Kanan e bigin feti nanga den Gibeonsma, dan den Gibeonsma e seni wan man go aksi Yosua fu kon yepi den. ’Kon esi na wi!’ a e taki. ’Yepi wi! Ala den kownu fu a bergikondre kon feti nanga den futuboi fu yu.’

Wantewante Yosua nanga ala den fetiman e opo go. Den e waka a heri neti doro. Te den doro na Gibeon, dan den srudati fu den feifi kownu e kon frede èn e bigin lon gowe. Dan Yehovah e meki bigi pisi ijs fadon komoto na loktu èn moro srudati e dede fu den pisi ijs leki san den fetiman fu Yosua ben kiri.

Yosua

Yosua e si taki heri esi son o dongo. A o kon dungru èn furu srudati fu den feifi ogri kownu sa lon gowe. Fu dati ede Yosua e begi Yehovah èn e taki dan: ’Son, tan tanapu!’ Èn fu di son e tan skèin, meki den Israelsma man fu wini a feti krinkrin.

Furu ogri kownu de ete na Kanan, di no man si a pipel fu Gado na ai. A e teki sowan siksi yari bifo Yosua nanga en legre e wini 31 kownu fu a kondre. Te disi pasa, dan Yosua e sorgu taki a kondre Kanan prati gi den lo di abi presi fanowdu ete.

Furu yari e pasa èn te fu kaba Yosua e dede te a abi 110 yari. Solanga en nanga den mati fu en de na libi, a pipel e gi yesi na Yehovah. Ma te den bun man disi dede, dan a pipel e bigin du ogri sani èn e kon na ini problema. Disi na te den abi a yepi fu Gado trutru fanowdu.

Yosua 10:6-15; 12:7-24; 14:1-5; Krutuman 2:8-13.



Aksi

  • Te wi e luku a prenki, dan san Yosua e taki, èn fu san ede a e taki dati?
  • Fa Yehovah e yepi Yosua nanga den fetiman fu en?
  • Omeni kownu di de feanti fu Israel, Yosua e wini? O langa a e teki fu wini den?
  • Fu san ede Yosua e prati a kondre Kanan?
  • Omeni yari Yosua abi te a e dede, èn san e pasa baka dati nanga a pipel?

Ete wan tu aksi