Go na content

Go na a tra menu

Go na table of contents

Yehovah Kotoigi

Sranantongo

Mi buku nanga Bijbel tori

Tori 31: Moses nanga Aron e go na Farao

Tori 31: Moses nanga Aron e go na Farao

DI MOSES ben drai go baka na Egepte, a ben fruteri en brada Aron ala sani fu den wondru. Now, di Moses nanga Aron ben sori den Israelsma den wondru disi, den alamala ben bribi taki Yehovah ben de nanga den.

Ne Moses nanga Aron ben go na Farao. Den ben taigi en: ’Yehovah, a Gado fu Israel, e taki: "Meki mi pipel go fu dri dei, so taki den kan anbegi mi na a sabana.” ’ Ma Farao ben piki: ’Mi no e bribi na ini Yehovah. Èn mi no o meki Israel go.’

Farao ati ben bron, fu di den Israelsma ben wani wan tu fri dei fu go anbegi Yehovah. Dati meki a ben dwengi den fu wroko moro tranga. Den Israelsma ben gi Moses a fowtu fu na ogri-ati fasi fa den Egeptesma ben handri nanga den. Disi ben meki Moses sari. Ma Yehovah ben taigi en fu no broko en ede. ’Mi sa meki Farao seni mi pipel go’, Yehovah ben taki.

Moses nanga Aron na fesi Farao

Moses nanga Aron ben go agen na Farao. A leisi disi den ben du wan wondru. Aron ben trowe en tiki na gron, ne a ben tron wan bigi sneki. Ma den koni man fu Farao ben trowe den tiki tu na gron, ne sneki ben kon. Ma luku! A sneki fu Aron e nyan den sneki fu den koni man. Ma toku ete, Farao no ben sa meki den Israelsma go.

Na so a ten ben doro gi Yehovah fu leri Farao wan sani. Yu sabi fa a ben du dati? A ben tyari tin plaag noso bigi problema kon na tapu Egepte.

Baka furu fu den plaag, dan Farao ben seni kari Moses. A ben taki: ’Meki a plaag kon na wan kaba, èn mi sa meki Israel go.’ Ma te a plaag ben kon na wan kaba, dan Farao ben kenki en prakseri. A no ben meki a pipel go. Ma te fu kaba, baka a di fu tin plaag, dan Farao ben seni den Israelsma go.

Yu sabi ala den tin plaag? Meki wi go luku den.

Exodus 4:27-31; 5:1-23; 6:1-13, 26-30; 7:1-13.



Aksi

  • Sortu krakti a ben abi tapu den Israelsma di den si den wondru di Moses nanga Aron ben du?
  • San Moses nanga Aron ben taigi Farao, èn san Farao piki den?
  • Soleki fa a prenki e sori, dan san ben pasa di Aron trowe en tiki na gron?
  • San Yehovah ben du fu leri Farao wan sani, èn fa Farao ben handri?
  • San ben pasa baka a di fu tin plaag?

Ete wan tu aksi