Go na content

Go na a tra menu

Go na table of contents

Yehovah Kotoigi

Sranantongo

Arki Gado èn libi fu têgo

 PISI 9

O ten Paradijs o kon?

O ten Paradijs o kon?

Den problema di de na grontapu e sori krin taki heri esi Gado Kownukondre o du wan sani. Lukas 21:10, 11; 2 Timoteyus 3:1-5

Furu fu den sani di e pasa na ini a ten disi, na sani di Bijbel ben taki na fesi. Bijbel ben taki dati sma ben o lobi moni, den ben o trangayesi papa nanga mama, den ben o du ogri-ati sani, èn den ben o lobi prisiri.

Bigi gronseki ben o de, sosrefi feti, angriten nanga siki di ben o panya na ala sei. Den sani disi e pasa nownow.

Boiti dati, Yesus ben taki dati a bun nyunsu fu a Kownukondre ben o preiki na heri grontapu.Mateyus 24:14.

 A Kownukondre o puru ala ogridu. 2 Petrus 3:13

Heri esi Yehovah o pori den ogri sma.

Satan nanga den ogri yeye o kisi strafu.

Den sma di e gi yesi na Gado o pasa libilibi go na ini wan nyun grontapu pe retidu sa de. Drape den no o frede moro, den o frutrow makandra, èn den o lobi makandra.