Go na content

Go na a tra menu

Go na table of contents

Yehovah Kotoigi

Sranantongo

Arki Gado èn libi fu têgo

 PISI 3

Fa a libi ben de na ini Paradijs?

Fa a libi ben de na ini Paradijs?

Yehovah ben gi Adam nanga Eva furu bun sani. Genesis 1:28

Yehovah ben meki a fosi uma, Eva, èn a ben gi en leki wefi na Adam.Genesis 2:21, 22.

Yehovah ben meki den nanga wan frustan èn wan skin di ben bun dorodoro. Den no ben abi nowan enkri fowtu.

Den ben e tan na ini a dyari fu Eden. A presi disi ben moi srefisrefi. A ben abi liba, froktubon, nanga meti.

Yehovah ben taki nanga Adam nanga Eva, èn a ben gi den leri. Efu den ben arki en, den ben o libi fu têgo na ini Paradijs na grontapu.

 Gado ben taigi den fu no nyan fu wán fu den bon. Genesis 2:16, 17

Yehovah ben sori Adam nanga Eva wán froktubon na ini a dyari, èn a taigi den taki den ben o dede efu den nyan fu en.

Wan fu den engel opo ensrefi teige Gado. Na ogri engel dati na Satan Didibri.

Satan no ben wani taki Adam nanga Eva gi yesi na Yehovah. Fu dati ede, a gebroiki wan sneki fu taigi Eva taki efu a ben o nyan a froktu fu a bon dati, dan a no ben o dede ma a ben o de leki Gado. A no de fu taki dati a sani disi ben de wan lei.Genesis 3:1-5.