Wai pasi gi sani di no bun. 1 Korentesma 6:9, 10

Efu wi lobi Yehovah, dan wi no o du sani di a no lobi kwetikweti.

Yehovah no wani taki wi e fufuru, a no wani taki wi e drungu, noso taki wi e gebroiki drugs.

A no lobi en kwetikweti te sma e kiri trawan, te den e puru bere, èn te den e libi wan homo-sekslibi. A no wani taki wi gridi noso taki wi e feti nanga trawan.

Wi no musu anbegi falsi gado èn wi no musu du afkodrei.

Na ini a Paradijs di o de na grontapu, presi no o de gi sma di e du ogri sani.

 Du san bun. Mateyus 7:12

Efu wi wani plisi Gado, dan wi musu pruberi fu de leki en.

Wi musu sori lobi gi trawan fu di wi o sori switifasi gi den èn wi o lobi fu du bun gi den.

Wi no musu bedrigi trawan.

Abi sari-ati nanga trawan èn gi sma pardon.

Fruteri trawan fu Yehovah èn fu den fasi fu en.Yesaya 43:10.