Go na content

Go na a tra menu

Go na table of contents

Yehovah Kotoigi

Sranantongo

Arki Gado èn libi fu têgo

 PISI 5

A bigi Frudu—Suma arki Gado? Suma no arki Gado?

A bigi Frudu—Suma arki Gado? Suma no arki Gado?

Moro furu fu den sma na ini a ten fu Noa, ben e du ogri. Genesis 6:5

Adam nanga Eva ben meki pikin, èn furu sma ben kon de na grontapu. Baka wan pisi ten, son engel teki a sei fu Satan èn den opo densrefi teige Gado tu.

Den ben kon na grontapu èn den ben teki libisma skin so taki den ben man trow nanga den umasma. Den uma disi ben meki manpikin di no ben de leki ala tra libisma. Den ben ogri srefisrefi èn den ben tranga.

Grontapu ben kon furu nanga sma di ben e du ogri. Bijbel e taki: „Libisma ben e du bun furu ogri na grontapu èn . . . doronomo den ben abi soso ogri prakseri na ini den ati.”

 Noa arki Gado èn a bow wan ark. Genesis 6:13, 14, 18, 19, 22

Noa ben de wan bun man. Yehovah ben taigi Noa taki A ben o pori den ogri sma na ini wan bigi frudu.

Gado ben taigi Noa tu fu bow wan bun bigi boto, di nen wan ark. Noa ben musu tyari en famiri nanga ibri sortu meti go na ini.

Noa ben e warskow sma fu a Frudu di ben o kon, ma den no ben arki. Son sma ben e lafu Noa, èn trawan ben abi bita-ati gi en.

Di na ark ben kaba bow, dan Noa tyari den meti go na inisei.