Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Yosua 18:1-28

18  Ne ala den Israelsma kon makandra na Silo+ èn den poti a konmakandra-tenti drape,+ fu di a kondre ben de fu den now.+  Ma seibi lo fu den Israelsma no ben kisi wan pisi fu a kondre ete.  Sobun, Yosua taigi den Israelsma: „O langa unu o draidrai fosi unu teki a kondre abra+ di Yehovah, a Gado fu den afo fu unu, gi unu?+  Teki dri man fu ibri lo, dan mi o seni den go luku a kondre. Den musu waka lontu na ini a heri kondre, dan den musu skrifi o bigi a kondre de èn fa a musu prati. Baka dati den musu kon na mi.+  Den musu prati a kondre na seibi pisi,+ so taki ibri lo kan kisi wan pisi fu a kondre. A lo fu Yuda o tan na ini a kontren fu en na zuidsei+ èn den bakapikin fu Yosef o tan na ini a kontren fu den na noordsei.+  Go luku a kondre. Meki wan karta fu a kondre èn prati a kondre na seibi pisi. Baka dati un musu kon baka fu sori mi fa unu prati en. Dan mi o go na fesi Yehovah wi Gado fu iti lòt,+ so taki mi kan kon sabi sortuwan fu den pisi fu a kondre ibriwan fu unu o kisi.  Den Leifisma no o kisi wan pisi fu a kondre,+ fu di den kisi a grani fu dini leki priester fu Yehovah.+ A lo fu Gad, a lo fu Ruben,+ nanga na afu lo fu Manase+ kisi wan pisi fu a kondre kaba na owstusei fu Yordan-liba. Na Moses, a futuboi fu Yehovah, ben gi den a pisi kontren dati.”+  Sobun, den man di ben o go luku a kondre, sreka densrefi fu gowe. Dan Yosua taigi den:+ „Un go, waka lontu na ini a heri kondre èn skrifi o bigi a de. Baka dati un musu drai kon baka na mi. Dan mi o go na fesi Yehovah na Silo+ fu iti lòt,+ so taki mi kan kon sabi sortu pisi fu a kondre ibriwan fu den lo fu unu musu kisi.”  Ne den man gowe, den waka lontu na ini a heri kondre èn den skrifi o bigi a kondre de. Dan den prati en na seibi pisi.+ Boiti dati, den ben abi fu skrifi a nen fu ala den foto di ben de na den difrenti pisi dati. Baka dati den drai go baka na Yosua di ben de na a kampu na Silo. 10  Dan Yosua go na fesi Yehovah+ na Silo fu iti lòt, so taki a ben kan kon sabi sortu pisi fu a kondre ibriwan fu den lo fu den ben musu kisi. Na so Yosua gi den Israelsma a pisi fu a kondre di den ben musu kisi.+ 11  Baka dati den iti lòt+ fu kon sabi sortu pisi fu a kondre den famiri na ini a lo fu Benyamin+ ben o kisi. A kontren di den ben o kisi, ben de na mindri a kontren fu a lo fu Yuda+ nanga a di fu den bakapikin fu Yosef.+ 12  Na noordsei a kontren fu a lo fu Benyamin ben e bigin na Yordan-liba. Fu drape a ben e kren go na a noordsei pisi fu a bergi pe Yerikow+ de. A ben e abra a bergi go na west-sei. Te fu kaba a ben e doro te na a sabana pe Bet-Afen+ de. 13  Fu drape a ben e abra go na Lus, na a zuidsei pisi fu a bergi pe a foto Lus+ de. Sma sabi a foto disi tu leki Betel.+ Dan a ben e saka go na Atarot-Adar+ na tapu a bergi di de na zuidsei fu Lagi Bet-Horon.+ 14  Na west-sei den marki a kontren. Fu a bergi di de na abrasei fu Bet-Horon a ben e lontu go na zuidsei. Te fu kaba a ben e doro te na Kiriat-Bâal di sma sabi tu leki Kiriat-Yarim,+ wan foto fu a lo fu Yuda. Te so fara a kontren fu a lo fu Benyamin ben e doro na west-sei. 15  Na zuidsei a kontren fu a lo fu Benyamin ben e bigin na Kiriat-Yarim, go na west-sei èn fu drape a ben e go na Neftowa+ watra-olo. 16  Dan a ben e saka go te na a futu fu a bergi na abrasei fu a lagipresi fu a manpikin fu Hinom.+ A lagipresi disi de na noordsei fu Refayim-lagipresi.+ A kontren ben e saka go moro fara na Hinom-lagipresi, go te na a zuidsei pisi fu a bergi pe a foto fu den Yeibus-sma+ de. Fu drape a ben e saka go na En-Rogel+ watra-olo. 17  Na noordsei den marki a kontren. Fu drape a ben e go na En-Seimes watra-olo, go doro na Geililot di de na abrasei fu Adumim-bergipasi.+ Dan a ben e saka go na Bohan-ston.+ (Bohan+ ben de wan manpikin fu Ruben.) 18  Fu drape a ben e abra a noordsei pisi fu a bergi di de na abrasei fu Araba-lagipresi, dan a ben e saka go miti Araba-lagipresi. 19  Fu drape a ben e abra go na a noordsei pisi fu a bergi pe a foto Bet-Hokla+ de. Te fu kaba a ben e fadon te na a noordsei fu a Sowtu Se+ (na te drape a ben e doro), na a mofo fu Yordan-liba na zuidsei. Te so fara a kontren fu a lo fu Benyamin ben e doro na zuidsei. 20  Na a heri owstusei fu a kontren yu ben abi Yordan-liba. Na a heri kontren disi den famiri na ini a lo fu Benyamin ben kisi. 21  Den foto fu den famiri na ini a lo fu Benyamin ben de Yerikow,+ Bet-Hokla, Emek-Keisis, 22  Bet-Araba,+ Semarayim, Betel,+ 23  Afim, Para, Ofra,+ 24  Kefar-Hamonai, Ofni, nanga Geiba.+ Ala nanga ala disi ben de twarfu foto nanga den dorpu krosibei fu den foto disi. 25  Moro fara yu ben abi den foto Gibeon,+ Rama, Berot, 26  Mispe,+ Kefira,+ Mosa, 27  Reikem, Yirpeyel, Tarala, 28  Sela,+ Elef, nanga Yeibusi, a foto di sma sabi tu leki Yerusalem.+ Yu ben abi sosrefi den foto Gibeya+ nanga Kiriat. Ala nanga ala disi ben de tinafo foto nanga den dorpu krosibei fu den foto disi. Disi na a pisi fu a kondre di den famiri na ini a lo fu Benyamin kisi.+

Futuwortu