Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Yosua 16:1-10

16  Ne den iti lòt+ fu kon sabi sortu pisi fu a kondre den bakapikin fu Yosef+ ben o kisi. A kontren fu den ben e bigin na Yordan-liba+ na ini a birti fu Yerikow, go te na owstusei fu den liba nanga kriki fu Yerikow, go na a sabana di ben e kren fu Yerikow go na a bergikontren pe a foto Betel+ de.  Fu Betel, di de krosibei fu Lus,+ a kontren ben e pasa go na Atarot pe a kontren fu den Arkietsma+ ben e bigin.  Fu drape a ben e saka go na west-sei, na a presi pe a kontren fu den Yafletsma e bigin, iya, te na a presi pe Lagi Bet-Horon+ nanga Geiser+ e bigin. Te fu kaba a ben e doro na a Bigi Se.+  Ne a lo fu Manase nanga a lo fu Efrayim,+ den bakapikin fu Yosef,+ teki a heri kontren dati abra.+  Na owstusei fu a kontren fu den famiri na ini a lo fu Efrayim, iya, a kontren di den ben o kisi, ben e bigin na Atarot-Adar+ èn a ben e doro te na Hei Bet-Horon.+  A ben e doro te na a se. Na noordsei yu ben abi Mikmetat.+ Dan a kontren ben e lontu go na owstusei, na Tanat-Silo èn a ben e abra go na Yanowa na owstusei.  Fu Yanowa a ben e saka go na Atarot nanga Nara, teleki a doro Yerikow.+ Fu drape a ben e go na Yordan-liba.  Fu Tapuwa+ a kontren ben e go doro na west-sei, fu kon fadon na a lagipresi pe Kana-liba+ e lon. Te fu kaba a ben e doro te na a Bigi Se.+ Na a heri kontren disi den famiri na ini a lo fu Efrayim ben kisi.  Den bakapikin fu Efrayim ben kisi wan tu foto nanga dorpu krosibei fu den foto disi.+ Ala den foto nanga den dorpu disi ben de na ini a kontren fu den bakapikin fu Manase. 10  Ma den Efrayimsma no yagi den Kanansma+ di ben e libi na ini Geiser.+ Te na a dei fu tide, den Kanansma e libi na den mindri ete.+ Ma den musu wroko leki srafu+ gi den Efrayimsma.

Futuwortu