Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Yona 2:1-10

2  Na ini a fisibere, Yona begi Yehovah en Gado.+  A taki: „Na ini banawtu mi ben de di mi bari kari Yehovah.+ Ne a piki mi.+ Na ini Grebi* mi ben de di mi bari fu kisi yepi.+ Ne yu yere mi sten.+   Di yu trowe mi na ini a dipi watra, na mindri se,+ Soso watra ben lontu mi. Ala den bigi skwala fu yu ben wasi kon na mi tapu.+   Ne mi taki: ’Yu yagi mi komoto na yu fesi!+ Fa mi o si yu santa tempel baka?’+   Mi ben de fu dede,+ fu di watra ben lontu mi na ala sei. Moro nanga moro mi ben e saka go na ini a dipi watra. Den wiwiri na ini se ben de lontu mi ede.   Mi ben saka go te na ondrosei fu den bergi. Nanga sroto grontapu ben tapu mi fu ala ten. Ma dan yu, Yehovah mi Gado, puru mi libilibi na ini a peti.+   Di mi ben kon swaki srefisrefi,+ Yehovah ben de a sma di mi memre.+ Dan a begi fu mi kon na yu na ini yu santa tempel.+   Den sma di e anbegi falsi gado, no abi bun-ati moro.+   Ma mi o taki yu tangi èn mi o tyari srakti-ofrandi gi yu.+ San mi pramisi, na dati mi o du.+ Na Yehovah e tyari frulusu kon.”+ 10  Bakaten Yehovah meki a fisi spiti Yona puru na sesyoro.+

Futuwortu

Hebrew wortu: syeol. Luku „Moro sani”, nr. 10.