Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Yohanes 20:1-31

20  Na a fosi dei+ fu a wiki, Maria Makdalena doro na a grebi fruku mamanten di a ben dungru ete. Ne a si taki a ston ben komopo na a grebi kaba.+  Fu dati ede a lon go na Simon Petrus nanga a tra disipel+ di Yesus ben lobi, èn a taigi den: „Den puru Masra na ini a grebi+ èn wi no sabi pe den poti en.”  Ne Petrus+ nanga a tra disipel go na a grebi.  Den tu man disi bigin lon go, ma a tra disipel ben lon moro esi leki Petrus èn en fosi doro na a grebi.  Di a bukundu luku, a si den linnen-krosi e didon drape,+ ma a no go na inisei.  Di Simon Petrus doro drape tu, a go na ini a grebi. Ne a si den linnen-krosi e didon drape.+  A duku di ben tapu Yesus ede no ben de nanga den tra pisi krosi, ma a ben lolo poti na wan tra presi.  Dan a tra disipel di ben doro leki fosiwan na a grebi, go na inisei tu, èn den sani di a si meki taki a bribi.  Den no ben frustan a pisi ete pe Gado Buku taki dati Yesus ben musu opo baka.+ 10  Ne den disipel go na den oso baka. 11  Ma Maria ben tan tanapu na dorosei, krosibei fu a grebi èn a ben e krei. A ben e krei ete di a bukundu luku go na ini a grebi. 12  Ne a si tu engel+ na ini weti krosi e sidon drape. Wán ben e sidon na a edesei, a trawan ben e sidon na a futusei fu a presi pe Yesus ben didon fosi. 13  Den aksi en: „Uma, fu san ede yu e krei?” A taigi den: „Den puru mi Masra èn mi no sabi pe den poti en.” 14  Baka di a taki disi, a drai èn a si Yesus e tanapu, ma a no ben sabi taki na Yesus.+ 15  Yesus aksi en: „Uma, fu san ede yu e krei? Suma yu e suku?”+ Maria prakseri taki na a sma di e sorgu a dyari. A taigi en: „Masra, efu yu puru en, taigi mi pe yu poti en, dan mi o puru en fu drape.” 16  Yesus taigi en: „Maria!”+ Di Maria drai luku, a taigi en na ini Hebrewtongo: „Rabboni!”+ (Disi wani taki „Leriman!”) 17  Yesus taigi en: „No hori mi moro, bika mi no opo go na a Tata ete. Ma yu musu go na den brada fu mi+ èn taigi den: ’Mi o opo go na mi Tata+ nanga un Tata èn na mi Gado+ nanga un Gado.’”+ 18  Maria Makdalena go fruteri den disipel a nyunsu. A taki: „Mi si Masra!” Dan a taigi den san Yesus taigi en.+ 19  Na a dei dati, sobun, na a fosi dei fu a wiki,+ den disipel kon makandra na mofoneti. Den doro fu a presi pe den ben de ben sroto, fu di den ben frede+ den Dyu. Toku Yesus kon+ tanapu na den mindri èn a taigi den: „Meki sani waka bun nanga unu.”+ 20  Baka di a taki disi, a sori den en anu nanga en seibere.+ Di den disipel si Masra, den ben breiti.+ 21  Yesus taigi den ete wan leisi: „Meki sani waka bun nanga unu. Neleki fa a Tata seni mi kon,+ na so mi e seni unu tu.”+ 22  Baka di a taki disi, a bro na den tapu èn a taigi den: „Teki santa yeye.+ 23  Efu unu e gi sma pardon fu den sondu fu den,+ dan den o kisi pardon. Efu unu no e gi sma pardon fu den sondu fu den, dan den sondu dati o tan.”+ 24  Ma Tomas,+ wan fu den twarfu apostel di sma sabi tu leki A Twelengi, no ben de nanga den di Yesus kon drape. 25  Dati meki den tra disipel taigi en: „Wi si Masra!” Ma a taigi den: „Efu mi no si a marki di den spikri meki na ini en anu, efu mi no sutu mi finga go na ini a marki di den spikri meki èn efu mi no sutu mi anu go na ini en seibere,+ mi no o bribi kwetikweti.”+ 26  We, aiti dei baka dati, den disipel fu en ben de na inisei baka èn Tomas ben de nanga den. Den doro ben sroto, ma toku Yesus kon na inisei èn a go tanapu na den mindri. Dan a taki: „Meki sani waka bun nanga unu.”+ 27  Ne a taigi Tomas: „Poti yu finga dya èn luku den anu fu mi. Teki yu anu+ dan yu sutu en go na ini mi seibere, èn no tweifri moro, ma bribi now.” 28  Dan Tomas piki en: „Mi Masra èn mi Gado!”+ 29  Yesus taigi en: „Na fu di yu si mi, meki yu e bribi? Koloku fu den sma di no e si, ma toku den e bribi.”+ 30  A tru taki Yesus du furu tra wondru tu gi den disipel, ma den no skrifi na ini a bukulolo disi.+ 31  Ma den sani disi skrifi,+ so taki unu kan bribi taki Yesus na a Krestes èn a Manpikin fu Gado. Te unu e bribi disi,+ unu kan kisi libi nanga yepi fu en nen.

Futuwortu