Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Yohanes 17:1-26

17  Di Yesus taki den sani disi, a opo en ede luku go na hemel+ èn a taki: „Mi Tata, a yuru doro. Gi yu manpikin glori, so taki yu manpikin kan gi yu glori,+  fu di yu gi en makti tapu ala libisma.+ Na so fasi a kan gi têgo libi+ na ala den sma di yu gi en.+  Efu sma wani kisi têgo libi,+ den musu leri sabi+ yu, a wan-enkri tru Gado,+ èn a sma di yu seni kon, Yesus Krestes.+  Mi gi yu glori+ na grontapu, fu di mi klari a wroko di yu gi mi fu du.+  We, mi Tata, gi mi a srefi glori na yu sei di mi ben abi, fosi grontapu ben de.+  Mi meki den sma di yu puru na ini grontapu èn di yu gi mi, kon sabi yu nen.+ Den ben de fu yu, yu gi mi den, èn den du san yu taki.  Now den kon sabi taki ala sani di yu gi mi, kon fu yu.  Mi taigi den san yu taigi mi+ èn den bribi den sani dati. Den kon sabi trutru taki mi kon leki yu boskopuman+ èn den kon bribi taki na yu seni mi kon.+  Mi e begi gi den. Mi no e begi gi grontapu,+ ma gi den wan di yu gi mi, fu di den na fu yu. 10  Ala san mi abi na fu yu èn san yu abi na fu mi,+ èn den e gi mi glori. 11  Sosrefi, mi no o de na grontapu moro, ma den de na grontapu ete+ èn mi o kon na yu. Santa Tata, kibri den+ fu yu eigi nen ede, a nen di yu gi mi, so taki den kan de wán neleki fa wi de wán.+ 12  Di mi ben de nanga den, mi kibri den+ fu yu eigi nen ede, a nen di yu gi mi. Mi kibri den èn nowan fu den dede,+ boiti a manpikin di o kisi têgo pori.+ Na so a sani di skrifi na ini Gado Buku kan kon tru.+ 13  Ma now mi e kon na yu, èn mi e taki den sani disi dya na grontapu, so taki den kan prisiri srefisrefi neleki fa mi e prisiri.+ 14  Mi gi den a wortu fu yu, ma grontapu e teige+ den, fu di den no de wan pisi fu grontapu, neleki fa mi no de wan pisi fu grontapu.+ 15  Mi no e aksi yu fu puru den na grontapu, ma fu kibri den, so taki na ogriwan+ no kan du den ogri. 16  Den no de wan pisi fu grontapu,+ neleki fa mi no de wan pisi fu grontapu.+ 17  Meki den kon santa+ nanga yepi fu san tru. Yu wortu+ e taki san tru.+ 18  Neleki fa yu seni mi go na den sma fu grontapu, na so mi seni den go tu na den sma fu grontapu.+ 19  Mi e hori misrefi santa. Mi e du disi gi den so taki den kan de santa+ tu nanga yepi fu san tru. 20  Mi no e aksi disi gi den apostel wawan, ma sosrefi gi den wan di e bribi na ini mi fu den sani ede di den apostel taki.+ 21  Dan den alamala kan de wán,+ neleki fa yu, mi Tata, de wán nanga mi èn mi de wán nanga yu.+ Na so den kan de wán nanga wi tu+ èn grontapu kan bribi taki na yu seni mi kon.+ 22  Na a srefi fasi fa yu gi mi grani, mi gi den grani tu, so taki den kan de wán neleki fa wi na wán.+ 23  Mi de wán nanga den èn yu de wán nanga mi, so taki den kan tron wán trutru,+ fu grontapu kan kon sabi taki na yu seni mi kon èn taki yu lobi den neleki fa yu lobi mi. 24  Mi Tata, mi wani taki den sma di yu gi mi, kan de nanga mi pe mi de.+ Na so den kan si a glori di yu gi mi fu di yu ben lobi mi fosi grontapu ben seti.+ 25  Reti-ati+ Tata, fu tru, den sma na grontapu no kon sabi yu.+ Ma mi kon sabi yu èn den kon sabi taki na yu seni mi kon.+ 26  Mi meki den kon sabi yu nen+ èn mi o tan fruteri den fu yu nen, so taki den kan abi a srefi lobi di yu abi gi mi èn mi kan de wán nanga den.”+

Futuwortu