Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Yob 9:1-35

9  Dan Yob taki:   „Mi sabi taki na so sani de.Fa wan libisma kan abi leti efu en nanga Gado de na fesi krutu?+   Efu wan sma ben o go nanga Gado na fesi krutu,+A no ben o man piki Gado nowan fu den dusun aksi di A ben o poti gi en.   A koni srefisrefi èn a abi furu makti.+Suma man kakafutu gi en sondro fu kisi mankeri?+   A e puru bergi,+ ma libisma no sabi dati srefi.A e drai den tapu te en ati e bron.+   A e meki grontapu seki na en presi.Srefi den fondamenti+ fu grontapu a e seki.   A e taigi a son fu no skèin moro,Èn a e tapu den stari fu no skèin moro.+   Na en wawan e bradi hemel.+A e waka na tapu den bigi skwala fu se.+   A meki a starigrupu As nanga a starigrupu Kesil.A meki a starigrupu Kima+ nanga den inisei kamra fu zuidsei. 10  A e du bigi sani di sma no man frustan.+A e du kefalek bigi sani di furu so te, taki wi no man teri den.+ 11  Te a e waka pasa, mi no e si en.Te a e go doro, mi no e si en tu.+ 12  Suma man tapu en te a e hari sani puru?Nowan sma man taigi en: ’San yu e du?’+ 13  Gado en atibron no o kon kowru,+Solanga den yepiman fu wan ogriwan*+ o boigi gi en. 14  Dan san o pasa te mi o piki en!Mi musu luku bun san mi o taigi en.+ 15  Srefi efu mi ben o abi leti, mi no ben o piki en.+Na a sma di tyari mi go na fesi krutu, mi o aksi fu sori mi bun-ati.+ 16  A ben o piki mi efu mi ben o kari en?+Mi no denki taki a ben o arki mi. 17  Nanga wan bigi sibibusi a e gi mi mankeri.A e gi mi mankeri, aladi mi no du noti.+ 18  A no e gi mi na okasi fu blo srefi,+Bika a e meki mi swari soso bita sani. 19  Awinsi wan sma tranga, Gado tranga moro en.+Efu wan krutuman abi makti moro en, dan meki a kari mi! 20  Awinsi mi ben o abi leti, toku mi eigi mofo ben o taki dati mi ogri.Awinsi mi ben e du soso bun, toku a ben o taki dati mi e du kruktudu. 21  Srefi efu mi no du nowan ogri, mi srefi no ben o sabi.Mi ben o tegu gi a libi fu mi. 22  Na so sani de kaba. Dati meki mi taki:’Awinsi na wan bun sma, noso wan ogri sma, a e meki taki den alamala dede te fu kaba.’+ 23  Srefi efu wan bigi frudu ben o kiri sma wantronso,A ben o lafu te a si fa den wan di no du ogri e pina. 24  A libi grontapu na ini na anu fu den ogri sma.+A e tapu den ai fu den krutuman fu grontapu.Efu a no en e du dati, dan suma e du en? 25  Mi libi pasa gowe moro esi leki wan sma di sabi lon tranga.+Den dei fu mi lon gowe. Nowan bun o miti den. 26  Den pasa gowe leki boto di meki fu warimbo,Èn leki wan aka di e frei go-kon fu feni wan sani fu nyan.+ 27  Awinsi mi taki: ’Mi o frigiti mi broko-ede+Èn mi no o swa mi fesi+ moro’, 28  Toku mi e frede taki mi o kisi moro pen.+Mi sabi taki noiti yu o si mi leki wan bun sma. 29  Yu o feni nomonomo taki mi ogri.Fu san ede mi e tan du muiti fu soso?+ 30  Awinsi mi ben o wasi nanga watra fu snew,Èn mi ben o wasi mi anu nanga sopo,+ 31  Toku yu ben o poti mi na ini wan peti,Èn mi eigi krosi srefi ben o tegu gi mi. 32  A no de wan man+ leki mi, taki mi ben sa man piki enNoso taki wi ben sa man go na fesi krutu. 33  Nowan sma kan koti krutu gi wi.+Nowan sma kan de leki krutuman gi wi. 34  Meki a puru en fonfon-tiki na mi tapu,+Èn no meki a du sani fu frede mi. 35  Meki mi taki. Mi no frede en moro,Bika a no so mi gwenti.

Futuwortu

Kande disi na wan bigi meti di e libi na ini se.