Go na content

Go na table of contents

Yehovah Kotoigi

Tongo Sranantongo

Yob 7:1-21

7  Libisma musu wroko tranga+ na grontapu èn den lai problema.A libi fu den de leki a libi fu wan wrokoman.+   Leki srafu den e angri fu de na wan kowrupe,+Èn leki wrokoman den e wakti fu kisi den pai.+   Mun di no warti noti, na dati mi kisi.+Neti di lai nanga pina,+ na dati den gi mi.   Te mi e didon, dan mi e prakseri: ’O ten mi o opo baka?’+A neti e go nanga langa èn teleki mamanten mi no man sribi.   Woron+ nanga doti de leki wan krosi na mi skin.+Ibri tron den drei soro na mi skin e opo baka.+   Mi libi e pasa gowe moro esi+ leki te wan sma e brei krosi.Mi e dede gowe sondro howpu.+   Grantangi Gado, hori na prakseri taki mi libi de leki winti.+Noiti moro mi ai o si wan bun sani.   Den ai fu a sma di e luku mi, no o si mi moro.Yu o suku mi, ma mi no o de.+   Te wan wolku gowe, a no e kon moro.Na so libisma e go na ini Grebi* èn den no e kon moro.+ 10  Den no e drai kon na den oso baka,Èn den sma na a presi fu den no o memre den moro.+ 11  Mi no o tapu mi mofo.Mi de na ini banawtu. Meki mi taki.Sani e moro mi.+ Meki mi taki! 12  Yu e si mi leki wan se, noso leki wan bigi meti na ini se,Taki yu musu poti wan waktiman+ gi mi? 13  Di mi ben taki: ’Mi o feni trowstu na tapu mi bangi,Èn mi bedi o lekti den broko-ede fu mi’, 14  Dan yu meki mi kisi takru dren,Èn nanga fisyun yu meki mi kon frede. 15  Dati meki a moro bun taki mi blo tapu,A moro bun fu dede+ leki fu libi na ini a pori skin disi. 16  Mi e tegu gi a libi disi.+ Mi no wani libi fu ala ten.Libi mi, bika mi libi na soso wan blo.+ 17  San na libisma,+ taki yu ben o kweki den kon bigiÈn taki yu ben o luku den? 18  Fu san ede yu e poti prakseri na den ibri mamantenÈn fu san ede yu e tesi den ibri tron baka?+ 19  Fu san ede yu e tan luku mi?+Yu no man libi mi wán momenti nomo fu mi swari mi eigi spiti? 20  Efu mi sondu, dan san mi man du nanga yu, a sma di e luku libisma?+Fu san ede yu e si mi leki yu feanti? Fu san ede mi de leki wan hebi gi yu? 21  Fu san ede yu no e gi mi pardon fu a sani di mi du?+Fu san ede yu no e tapu yu ai gi na ogri di mi du?Bika dyonsro mi o dede èn mi o go didon na ini a doti.+Yu o suku mi, ma mi no o de.”

Futuwortu

Hebrew wortu: syeol. Luku „Moro sani”, nr. 10.