Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Yob 6:1-30

6  Dan Yob taki:   „Mi winsi taki wan sma ben kan wegi a pina+ fu mi,Iya, mi winsi taki wan sma ben kan poti den problema fu mi na tapu wan wegi!   Bika now den problema fu mi hebi moro leki a santi fu se.Dati meki mi e taki dondon sani.+   Den peiri fu na Almakti Gado sutu mi.+Mi e firi fa a vergif fu den e go na ini mi skin.+Gado e feti nanga mi, èn dati meki mi e frede srefisrefi.+   Sortu sabanaburiki+ o bari te a abi grasi fu nyan?Sortu mankaw o bari te a kisi nyanyan?   Efu wan sani no abi tesi, yu o nyan en sondro sowtu?A weti fu wan eksi no abi tesi, a no so?   Mi no wani fasi nowan fu den sani dati.Den de leki nyanyan di e meki mi kon siki.   Mi winsi taki mi ben o kisi san mi aksi,Èn taki Gado ben o gi mi san mi wani!   Mi winsi taki Gado ben o masi mi,Èn taki a ben o lusu mi anu èn kiri mi!+ 10  Dati srefi ben o de wan trowstu gi mi.Mi ben o dyompo fu prisiri,+ aladi mi abi hebi pen.Awinsi Gado no ben o abi sari-ati nanga mi, toku mi ben o tan taki fu den sani di a Santawan+ taki.+ 11  Omeni krakti mi abi, taki mi ben sa wani wakti go doro?+Sortu howpu mi abi, taki mi ben sa wani libi go doro? 12  Mi tranga leki ston?Mi skin de fu kopro? 13  Na yepi mi no man yepi misrefi?Na wroko mi no man wroko bun? 14  A sma di no e sori trawan bun-ati+No e frede na Almakti Gado+ tu. 15  Mi eigi brada bedrigi mi.+ Den de leki wan liba di abi watra na a kowru ten fu a yari,Ma di e kon drei bakaten. 16  Na ijs di e smèlter na ini a liba e meki a kon dungru.A snew e kibri na ini a liba. 17  Na dreiten a no abi watra moro+ èn a e tan tiri.Te a faya a e lon drei.+ 18  A drai go na wan tra sei.A go na ini a sabana èn a lon drei. 19  Wan grupu sma fu Teima+ di e waka fu a wan presi go na a trawan, suku watra.Den Sabeisma+ di no e tan na wan presi nomo, wakti fu a watra kon. 20  Ma den kisi syen, fu di den ben de seiker taki den ben o feni watra.Den kon te na a presi pe a liba de, ma toku den no feni san den ben suku.+ 21  Neleki a liba, unu no e gi mi nowan yepi tu.+Te unu e si rampu, unu e frede.+ 22  Unu e frede fu di mi aksi unu: ’Gi mi wan sani,Noso gi wan sma wan sani, so taki a kan yepi mi?’ 23  Oiti mi ben aksi unu: ’Frulusu mi fu wan feanti,+Noso puru mi na a anu fu ogri-ati tiriman?’+ 24  Taigi mi san mi du, dan mi o tan pî.+Yepi mi frustan sortu ogri mi du.+ 25  Wortu di taki nanga wan krin ati abi furu krakti.+Ma san unu wani du di unu e piri-ai gi mi?+ 26  Unu e suku fu piri-ai gi mi, fu di unu denki taki mi taki sani di no bun?Te wan sma e bruya,+ a e taki dondon sani di de leki winti.+ 27  Iya, unu ben o iti lòt srefi fu luku san fu du nanga wan pikin di no abi papa.+Unu ben o seri un mati,+ efu unu ben o man kisi wini fu dati! 28  Sobun, un drai luku mi.Unu o si taki mi no e lei gi unu.+ 29  Grantangi, kenki un denki, bika unu no e du bun.Iya, kenki un denki, bika te now ete mi na wan reti-ati sma.+ 30  Unu denki taki mi e taki sani di no bun?Unu denki taki mi no sabi taki wan sani no bun?

Futuwortu