Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Yob 40:1-24

40  Yehovah taigi Yob tu:   „Wan libisma man haritaki nanga na Almaktiwan,+ fu di a feni taki na Almaktiwan fowtu?Meki a sma di wani gi Gado piri-ai, taki.”+  Dan Yob piki Yehovah:   „Luku, mi tron wan sma di no warti noti.+San mi sa piki yu?Mi e tapu mi mofo nanga mi anu.+   Di mi taki wan leisi, a ben sari mi kaba.Ne mi taki ete wan leisi. Sobun, mi no o taki moro.”  Ne Yehovah sten ben de fu yere baka na ini a tranga winti.+ A taigi Yob:   „Tai yu mindri leki wan tranga man,+Èn meki mi poti aksi gi yu, dan yu piki mi.+   Yu wani trutru taki mi retidu no abi krakti moro?Yu o taki dati mi ogri, fu di yu wani abi leti?+   Na anu fu yu de leki a di fu a tru Gado?+Yu abi wan sten leki en fu meki dondru kon?+ 10  Efu yu man du den sani disi, dan yu kan weri makti+ nanga krakti+ leki wan moi krosi.Iya, glori+ nanga grani+ musu de leki wan moi krosi na yu skin. 11  Meki yu bigi atibron saka kon.+Poti prakseri na ala den heimemre sma èn meki den kon lagi. 12  Iya, poti prakseri na den sma di abi bigifasi èn meki den kisi sakafasi.+Masi den ogri sma leti pe den de. 13  Poti den na ondro doti,+Èn tai den na wan kibripresi. 14  Dan misrefi o prèise yu,Fu di yu reti-anu man frulusu yu. 15  Luku a meti di den e kari Behemot.* Na mi meki en neleki fa mi meki yu tu.A e nyan grun grasi+ neleki wan mankaw. 16  A krakti fu en de na ini en dyonku.A abi furu krakti+ na ini den titei fu en bere. 17  A e beni en tere leki wan sedrebon.Den titei fu en skin de leki titei di frekti kon na wán. 18  Den bonyo fu en de leki kopro peipi.Den tranga bonyo fu en de leki isri di sma smèlter tron stanga. 19  En na wan fu den fosi sani di Gado meki.Na en Mekiman+ man kiri en. 20  Na den bergi en nyanyan e gro,+Èn ala den busimeti e prei na ini en birti. 21  A e didon na ondro den makamaka lotus-bon,Na mindri den warimbo+ pe sma no kan si en, èn na ini den swampu.+ 22  Den makamaka lotus-bon e gi en kowru te son e skèin.Na den lagipresi pe liba de, den populier-bon de na en lontu. 23  Efu a liba e seki, a no e lon gowe bruyabruya.A no e bruya srefisrefi, awinsi a watra fu Yordan-liba+ e naki en na ini en fesi. 24  Wan sma man tanapu na en fesi fu fanga en?Wan sma man boro en noso nanga wan aka fu fanga en?

Futuwortu

Bakratongo: „nijlpaard.”