Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Yob 34:1-37

34  Elihu taki tu:   „Un koni man, yere san mi abi fu taki.Un man di sabi sani, arki mi.   Bika a yesi e yere sani+Èn a tongo e tesi sani te wan sma e nyan.   Meki wi srefi bosroiti san reti.Meki wi sabi gi wisrefi san bun.   Bika Yob taki: ’Mi abi leti.+Ma Gado no wani krutu mi na wan reti fasi.+   Unu e denki taki mi e lei, soso fu di mi wani taki a krutu mi na wan reti fasi?Mi no sondu, ma toku mi kisi hebi mankeri di no man dresi.’+   Sortu sma de leki Yob?+Te sma e spotu en, a e dringi dati leki watra.+   Pikinmoro a o moksi nanga den wan di no e du bun.Dyonsro a o waka nanga den wan di e du ogri.+   Bika a taki: ’Wan sma no man kisi wini+Te a e pruberi fu plisi Gado.’ 10  Fu dati ede, un man di e si sani krin,+ arki mi.A no tru kwetikweti taki Gado e du ogri!+Noiti na Almaktiwan e du kruktu sani!+ 11  Bika Gado e pai+ libisma gi san den e du.A o sorgu taki libisma kisi pai fu a fasi fa den e libi. 12  Iya, a de so trutru, taki Gado no e du ogri,+Èn na Almaktiwan no e krutu sani na wan kruktu fasi.+ 13  Suma gi en a frantwortu fu tiri grontapu?Suma gi en a wroko fu sorgu gi heri grontapu? 14  Efu a poti prakseri na smaÈn a feni taki a musu teki a libi nanga a blo fu den,+ 15  Dan ala libisani ben o dede.Ala libisma ben o tron doti baka.+ 16  Sobun, efu yu man frustan sani krin, dan arki den sani disi.Yere san mi abi fu taki. 17  Taigi mi, efu wan sma no lobi retidu, a man tiri bun?+Efu wan sma di abi makti lobi retidu, yu ben o taki dati a ogri?+ 18  Wan sma ben o taigi wan kownu: ’Na fu soso yu e tiri’?A ben o taigi den heihei man: ’Unu na ogriman’?+ 19  Gado no e feni den granman moro bun leki tra sma.A no e poti moro prakseri na den heihei man leki na den mofinawan,+Bika na en meki den alamala.+ 20  Fosi yu pingi yu ai, den dede,+ iya, srefi na mindrineti den e dede.+A pipel e degedege èn den e lasi gowe.Den maktiwan e gowe sondro taki wan sma puru den.+ 21  Gado e si den pasi fu libisma+Èn a e si fa den e waka. 22  Nowan dungru presi de èn nowan presi dungru nofoPe den wan di no e du bun kan go kibri.+ 23  Gado no poti wan spesrutu ten gi libismaFu den kon na en, so taki a kan krutu den. 24  A e broko den maktiwan+ sondro fu ondrosuku sani fosi,Èn a e poti trawan na a presi fu den.+ 25  Sobun, a sabi san den e du,+Èn na neti a e drai den tapu, dan a e broko den na pisipisi.+ 26  A e naki denNa fesi tra sma, neleki den na ogriman,+ 27  Bika den drai baka gi en èn den no e waka na en baka moro.+Den no waka na tapu nowan fu den pasi fu en.+ 28  Dati meki den mofina sma e bari suku yepi na en.A e yere fa den wan di e pina e bari.+ 29  Ma te a e puru den na ini a nowtu, dan suma kan krutu en?Te a e tapu en fesi,+ suma kan si en?Awinsi na wan heri pipel,+ noso awinsi na wán sma nomo, a srefi sani a e du nanga den alamala. 30  Na so den wan di drai baka gi Gado no e tiri doronomo+Èn nowan sani o de leki wan trapu+ gi a pipel. 31  Now wan sma e taigi Gado:’Mi e pina, ma mi no du nowan ogri.+ 32  Sori mi san mi no sabi.Efu mi du wan sani di no bun,Dan mi no o du en moro.’+ 33  Ma yu denki taki Gado o meki sani kon bun baka gi yu, fu di yu no e agri nanga en?A no mi, ma na yu feni taki a no e du sani bun.Ma efu yu sabi sani moro mi, taigi mi san yu sabi. 34  Den sma di e si sani krin,+Nanga den koniman di e arki mi o taigi mi: 35  ’Yob e taki sondro fu sabi sani.+Den sani di a e taki e sori taki a no e si sani krin.’ 36  Mi papa, meki Yob kisi tesi teleki a no man moro,Fu di a taki wan lo sani na mindri den man di e du ogri.+ 37  Bika boiti den sondu di a du, a e opo ensrefi tu.+A de na wi mindri e naki anu èn a e tan taki moro ogri fu a tru Gado!”+

Futuwortu