Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Yob 32:1-22

32  Ne den dri man no piki Yob noti moro, bika a ben feni taki en na wan reti-ati sma.+  Ma wan tra man ben de drape tu di ben nen Elihu. A ben de a manpikin fu a Bus-sma+ Barakel fu a famiri fu Ram. Elihu ati bron nanga Yob, fu di Yob ben feni taki na en ben abi leti na presi fu Gado.+  Elihu ati bron nanga den dri mati fu Yob tu. Den man disi ben taki dati Gado ogri,+ fu di den no ben sabi fa fu piki Yob.  Elihu ben wakti fu taki nanga Yob, fu di ala den man drape ben owru moro en.+  Te fu kaba Elihu kon si taki den dri man no ben abi noti fu taki.+ En ati ben e bron moro nanga moro.  Ne Elihu, a manpikin fu a Bus-sma Barakel, taki: „Mi yongu Èn unu owru.+ Dati meki mi no kon na un mindri. Mi ben frede Fu fruteri unu san mi sabi.   Mi prakseri: ’Meki den wan di owru moro mi taki. Na den wan di libi moro langa leki mi, musu gi koni rai.’+   Fu tru, a santa yeye di Gado e gi sma Nanga a blo fu na Almaktiwan, e gi sma sabi.+   Ma a no soso den wan di libi langa abi koni,+ Èn a no soso den owruwan sabi fa fu krutu sani na wan reti fasi.+ 10  Dati meki mi e taki: ’Un arki mi, grantangi. Iya, meki mi fruteri unu san mi sabi. 11  Mi wakti teleki unu kaba taki. Mi tan arki fa unu e denki.+ Mi tan wakti a heri pisi ten di unu ben e prakseri san unu ben o piki. 12  Mi tan poti prakseri na unu, Ma nowan fu unu man sori Yob taki a fowtu. Nowan fu unu piki Yob wan bun sani. 13  Fu dati ede un no musu taki: ’Na fu di wi koni,+ meki wi sabi taki A no libisma, ma na Gado strafu en.’ 14  Yob no taigi mi nowan sani, Sobun, mi no o piki en leki fa unu piki en. 15  Unu kon frede. Unu no e piki moro. Unu no abi noti fu taki moro. 16  Mi tan wakti, ma unu no e taki moro. Unu e tan tanapu nomo, ma unu no e piki nowan sani. 17  Dati meki mi o piki unu now. Iya, meki mi fruteri unu san mi sabi. 18  Bika mi abi furu fu taki. Na Gado yeye e meki taki mi musu fu taki.+ 19  Mi inibere span. A de leki wan nyun winsaka di furu nanga win èn di wani priti opo.+ 20  Sobun, meki mi taki, so taki mi ati kon kowru. Meki mi opo mi mofo fu piki unu.+ 21  Mi no o teki a sei fu nowan sma,+ Èn mi no o gi nowan libisma spesrutu grani.+ 22  Bika efu mi ben o gi libisma spesrutu grani, Dan wantewante mi Mekiman+ ben o puru mi na pasi.

Futuwortu