Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Yob 30:1-31

30  Den sma di e lafu mi now+Na den wan di yongu moro mi.+Mi no ben o poti den papa fu den,Srefi nanga den dagu di e luku den skapu fu mi.   San den ben o man du gi mi?Den no abi nowan krakti moro.+   Fu di den e pina èn fu di angri e kiri den, meki den swaki.Den e kawkaw a drei gron na wan presi di no abi watra,+Pe wan bigi winti pori ala sani kaba.   Den ben e piki sowtu wiwiri na den busibusi,Èn a rutu fu grangran ben de den nyanyan.   Sma ben e yagi den komoto na den mindri.+Sma ben e bari den neleki den na fufuruman.   Den abi fu tan na den bergi-olo na den lagipresi,Na ini olo ondro gron, èn na ini bergi-olo.   Den ben gwenti bari na mindri den busibusi.Na ondro den krasiwiwiri den ben e kon makandra.   Den na manpikin fu donman+ èn manpikin fu den wan di no warti noti.Sma yagi den nanga wipi puru na ini a kondre.   Now den e meki singi fu wisiwasi mi,+Èn den e koti odo fu spotu mi.+ 10  Den e tegu gi mi èn den e tan farawe fu mi.+Den no e frede fu spiti na ini mi fesi.+ 11  Bika Gado lusu a titei fu mi bo èn a meki mi kon lagi.Den no draidrai fu du ogri nanga mi. 12  Na mi reti-anu den opo tanapu leki pikin fu ogri sma.Den lusu mi futu,Ma den poti hei skotu gi mi, so taki mi no man pasa.+ 13  Den broko den pasi fu mi.Den meki den problema fu mi kon moro bigi,+Èn den no ben abi nowan yepi fanowdu fu du dati. 14  A gersi leki den broko wan skotu fu kon wantronso na mi tapu.A gersi leki wan bigi winti wai den kon. 15  Wantronso ala sortu ogri miti mi.Ala den grani fu mi gowe neleki wan sani di winti wai gowe.A howpu di mi ben abi fu kisi frulusu, wai gowe leki wan wolku. 16  Now mi e firi fa mi libi e lasi gowe.+Den dei fu banawtu+ grabu mi hori. 17  Na neti a gersi leki wan sani e boro den bonyo+ fu mi teleki den fadon fu mi skin.Doronomo mi skin e hati mi neleki wan sani e nyan mi.+ 18  A siki fu mi hebi so te, taki mi krosi* kon kenki.A e kwinsi mi neleki te a neki fu wan langa krosi span tumusi. 19  A trowe mi na ini tokotoko.Dati meki mi gersi doti nanga asisi. 20  Mi e bari kari yu fu yepi mi, ma yu no e piki mi.+Mi opo tanapu, so taki yu kan poti prakseri na mi. 21  Yu kenki. Now yu wani du mi ogri.+Nanga ala yu krakti yu e naki mi leki wan feanti. 22  Yu opo mi poti na tapu wan bigi winti èn yu meki mi rèi na tapu,Dan yu lusu mi meki mi fadon nanga bigi babari. 23  Mi sabi heri bun taki yu o meki mi dede,+So taki mi kan go na a oso pe ala libisma e kon makandra. 24  Ma nowan sma o langa en anu fu naki wan sani broko di broko kaba.+Nowan sma o naki wan mofina sma te a e bari suku yepi na ini ten fu banawtu. 25  Mi krei gi den wan di de na ini banawtu.+Mi firi sari gi den pôtiwan.+ 26  Mi ben e wakti bun, ma ogri kon.+Mi ben e wakti a leti, ma dungru kon. 27  Mi ati ben de na dyompo èn a ben e naki hebi.Ten fu banawtu ben miti mi. 28  Nanga sari+ mi ben e waka lontu te son no ben e skèin.Na mindri wan grupu sma mi ben opo èn mi ben bari e suku yepi. 29  Mi tron wan brada fu sabanadaguÈn wan mati fu den umapikin fu stroisifowru.+ 30  Mi buba kon blaka+ èn piripiri.A siki fu mi meki mi bonyo kon faya. 31  Mi e gebroiki mi harpu soso fu singi sari singi,Èn mi froiti e meki a babari fu wan sma di e krei.

Futuwortu

Kande Yob e taki dyaso fu en buba leki na wan krosi.