Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Yob 28:1-28

28  Iya, presi de pe sma kan feni solfru,Èn presi de pe sma kan feni gowtu di den e krin.+   Srefi isri sma kan puru na ini a doti,+Èn sma kan puru kopro na ini ston.   Den tyari wan kaba kon na a dungru.Na den moro farawe presi den e ondrosuku+Den ston, na den presi pe a dungru pikapika.   Den diki dipi olo farawe fu den presi pe sma e tan+Nanga den presi di sma frigiti èn pe sma no e waka.Sonwan fu den saka go na ini èn den e anga na titei fu wroko drape.   A gron e gi nyanyan.+Ma ondro a gron drai tapu neleki faya bron en.   Drape safir-ston+ de fu feniNanga finifini gowtu.   Disi na a pasi di nowan aka+ no sabi.A blaka aka+ srefi no si en.   Den ogri busimeti no waka drape.A yongu lew no waka a pasi dati tu.   Sma langa den anu fu naki den moro tranga ston brokoÈn den drai den bergi tapu. Te na a rutu fu den bergi den go. 10  Den boro olo na ini ston fu meki watra pasa.+Ala sortu diriston den ai si. 11  Den poti dan na presi pe a watra fu den liba ben e lon.+Den sani di kibri, den tyari kon na ini a leti. 12  Ma pe wan sma sa feni koni?+Pe sma kan feni sabi? 13  Nowan libisma man taki o diri a de,+Èn a no de fu feni na nowan presi pe libisma e tan. 14  Den moro dipi presi pe watra de, taki:’A no de dya!’Srefi den se taki: ’A no de dya!’+ 15  Sma no man pai nanga soifri gowtu fu kisi en,+Èn nowan sma kan wegi nofo solfru fu man bai en. 16  Sma no man bai en nanga a gowtu fu Ofir,+Nanga oniks-ston di no de fu feni makriki, noso nanga safir-ston. 17  Gowtu nanga grasi no warti leki en.Wan kan fu gowtu srefi no warti nofo fu kisi en. 18  Koraal-ston+ nanga kristal-ston fu den bergi no warti leki en.Iya, koni warti moro wan heri saka peri.+ 19  Topas-ston+ fu Kus no warti leki en.Sma no man bai en srefi nanga a moro soifri gowtu. 20  Ma fu pe koni e komoto dan?+Pe sma kan feni sabi? 21  A kibri gi libisma ai,+Èn den fowru na hemel no man si en. 22  A presi pe ala sani e pori, nanga dede taki:’Wi ben yere fu en.’ 23  Gado na a sma di e frustan fa a de,+Èn en na a sma di sabi pe a de. 24  Bika a e si ala sani na den moro farawe presi fu grontapu.+A e si ala sani na ondro heri hemel. 25  Na en gi winti krakti.+Na en taki omeni watra musu de na difrenti presi.+ 26  Di a poti wan wèt gi alen,+Èn di a opo wan pasi gi sibibusi nanga dondru, 27  A si koni èn a taki fu en.A sreka en èn a ondrosuku en finifini. 28  Dan a taigi libisma:’Luku! Bigi lespeki gi Yehovah, dati na koni.+Èn fu drai baka gi ogri, dati na sabi.’”+

Futuwortu