Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Yob 26:1-14

26  Ne Yob taki:   „Ai, yu de wan bigi yepi gi wan sma di no abi krakti!Fu tru, yu frulusu wan sma di abi swaki anu!+   Na moi rai yu e gi wan sma di no abi koni!+Ala ten yu wani fruteri sma san den musu du!   Nanga suma yu e taki?Pe yu komoto nanga den denki disi?   Den dedewan di no man du noti, e beifiNa ondro a se èn na ondro den sani di e libi na ini a se.+   Gado man si ala sani na ini Grebi.*+A presi pe sani e pori, no tapu gi en.   A bradi noordsei fu hemel na tapu wan presi pe noti no de,+Èn a anga grontapu na noti.   A domru watra na ini den wolku fu en.+Ma awinsi fa den wolku kon hebi, toku den no e priti opo.   A e bradi den wolku na tapu en kownusturu,+So taki sma no man si dati. 10  A poti wan skotu lontu den watra+Te na a presi pe leti e kon tron dungru. 11  Den pilari fu hemel e seki,Èn den e beifi te a e opo en sten. 12  Nanga en krakti a seki a se,+Èn nanga en koni a naki a bigi meti+ na ini se panya.+ 13  A gebroiki winti fu figi hemel kon krin,+Èn nanga en anu a boro a sneki di e grati pasa esi-esi.+ 14  Disi na soso wan tu sani nomo di a man du.+Den sani di wi yere fu en no furu srefisrefi!Suma man frustan fa a e meki a kefalek dondru bari?”+

Futuwortu

Hebrew wortu: syeol. Luku „Moro sani”, nr. 10.