Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Yob 20:1-29

20  Dan a Namasma Sofar taki:   „Den sani di yu taki e trobi mi. Dati meki mi musu piki yu.Yu e meki mi ati bron.   Mi yere fa wan sma e piri-ai gi mi, ma na spotu a e spotu mi.Èn wan sma di no abi a koni di mi abi, e taki nanga mi.   Yu no sabi a sani disi? Langa ten kaba,Sensi di Gado poti libisma na grontapu,+   A de so, taki den ogri sma no e bari fu prisiri fu wan langa ten,+Èn den sma di drai baka gi Gado e prisiri fu wan syatu ten nomo.   Awinsi a heimemre fu en de te na hemel,+Èn awinsi en ede de te na den wolku,   Toku a o dede èn noiti a o de moro, neleki en eigi kunkun.+Den sma di ben e si en, o taki: ’Pe a de?’+   Leki wan dren a o gowe èn nowan sma o man feni en.Sma o yagi en èn a o lowe gowe leki wan fisyun na neti.+   Den ai di ben si en, no o si en moro.+En tanpresi no o si en moro.+ 10  Den manpikin fu en o suku yepi na mofina sma,Èn en eigi anu o gi sma den gudu fu den baka.+ 11  Den bonyo fu en ben abi a krakti fu wan yongu sma.Ma nanga ala en krakti a o go didon na ini doti.+ 12  Efu ogridu de wan switi sani na ini en mofo,Èn a meki dati smèlter na ondro en tongo, 13  Efu a lobi ogridu èn a no tapu nanga dati,Èn efu a e tan hori dati na tapusei fu en inimofo, 14  Dan en nyanyan o de tra fasi na ini en bere.A o de leki a vergif fu kobrasneki na ini en bere. 15  A swari someni gudu, ma a o spiti ala puru.Gado o puru ala na ini en bere. 16  A o soigi a vergif fu kobrasneki.Wan takru sneki o beti en kiri.+ 17  Noiti a o si den liba+Fu oni èn fu merki. 18  A no o man swari den gudu fu en, fu di a o abi fu gi ala sani baka.A o de neleki a ben kisi wan lo gudu fu a bisnis fu en, ma a no man nyan bun fu dati.+ 19  Bika a kwinsi den mofina sma, dan a gowe libi den.Nanga tranga a teki wan oso di ensrefi no bow.+ 20  Ala ten en bere o drai.Ala den gudu fu en no o man frulusu en.+ 21  A no abi noti moro fu swari.Dati meki sani no o waka bun gi en moro. 22  A o de na ini banawtu aladi a abi bun furu sani.+Wantronso ala ogri o kon na en tapu. 23  Meki a de so, taki Gado seni en bigi atibron gi en fu furu en bere.+Meki Gado en atibron fadonLeki alen na en tapu, èn meki dati go na ini en bere. 24  A o lon gowe+ gi isri fetisani.Wan kopro bo o boro en. 25  Wan lansri o boro pasa na ini en baka.Wan brenki fetisani o boro pasa na ini en garisaka.+A o frede srefisrefi.+ 26  Ala den gudu fu en o de na ini bigi dungru.Wan faya di nowan sma wai, o bron en krinkrin.+Sani no o go bun kwetikweti nanga den wan di tan abra na ini en tenti. 27  Hemel o tyari a sondu fu en kon na krin,+Èn grontapu o opo ensrefi teige en. 28  Wan hebi alen o wasi en oso gowe.Gado o kanti bigi watra kon na en tapu, na a dei fu en atibron.+ 29  Disi na a pai di Gado o gi den ogriwan.+Iya, disi na san Gado bosroiti fu du nanga den.”

Futuwortu