Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Yob 18:1-21

18  Dan a Suwasma Bildad taki:   „O langa unu o taki go doro?Un musu frustan sani bun fosi, dan wi kan taki.   Fu san ede un musu si wi leki meti?+Fu san ede un musu si wi leki sma di no krin?   Yu e priti yusrefi na pisipisi nanga na atibron di yu abi.Yu denki taki na fu yu ede nowan sma o libi na grontapu moro,Noso taki wan bigi ston o komoto na en presi?   Srefi a leti fu ogri sma no o skèin moro,+Èn a faya fu den o dede.   A leti o kon dungru na ini en tenti.+A faya fu en eigi lampu o dede.   A ben e waka leki wan steifisteifi man, ma now a e degedege.En eigi rai o meki a fadon.+   En eigi futu o tyari en go fasi na ini wan nèt.Iya, a o waka langalanga go fasi na ini wan nèt.+   Wan trapu o kisi en na en bakafutu.+Wan krafana+ o fanga en. 10  Wan titei kibri na gron fu fanga en.Wan trapu de na en pasi. 11  A e skreki fu di ala sortu frede sani e pasa wantronso na en lontu.+Den o meki a lon neleki wan sma de na en baka. 12  Angri o meki a lasi krakti.Wan rampu+ e wakti en fu meki a kon malengri. 13  A moro takru siki o nyan pisi fu en buba,Iya, a o nyan den pisi fu en skin. 14  Den sani di a e frutrow na tapu, den o hari puru na ini en tenti.+Den o meki a waka go na a kownu fu frede. 15  Na ini en tenti wan sani o tan di no de fu en.Den o trowe ston di e bron*+ fu pori a presi pe a e tan. 16  Na ondro gron den rutu fu en o kon drei,+Èn na tapusei a taki fu en o kon drei tu. 17  Nowan sma o taki fu en na grontapu,+Èn nowan sma o kari en nen na strati. 18  Den o pusu en komoto na ini a leti go na ini a dungru,Èn den o yagi en gowe fu den gron. 19  A no o abi nowan pikin èn nowan bakapikin na mindri a pipel.+Nowan sma o tan na libi na en tanpe di de na ini wan tra kondre. 20  Na a dei te rampu o miti en, den sma fu den west-sei kondre o luku nanga opo mofoÈn den sma fu den kondre na Owstusei o beifi. 21  Na dati e pasa nanga den tenti fu wan ogriman.Na dati e pasa nanga a tanpe fu wan sma di no sabi Gado.”

Futuwortu

Noso: „swarfu.”