Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Yob 17:1-16

17  Mi no abi krakti moro.+ Den dei fu mi e kon na wan kaba.Beripe e wakti mi.+   Spotuman e lontu mi,+Èn ala ten mi e si fa den e rigeri.   Grantangi, pramisi mi taki yu o horibaka gi mi.+Bika sortu tra sma o yepi mi?+   Yu tapu den frustan, so taki den no man frustan sani.+Dati meki yu no e meki den kon hei.   Kande wan man e taigi den mati fu en fu go teki wan pisi gron fu en.Disiten den ai fu den pikin fu en e flaw.+   A e meki sma koti odo+ gi mi fu spotu mi,Èn sma e spiti na ini mi fesi.+   A pina di mi e pina e meki mi ai kon moro dungru,+Èn ala pisi fu mi skin kon mangri srefisrefi.   Reti-ati sma e luku nanga opo mofo,Èn na ati fu den krin-ati sma e bron nanga den wan di drai baka gi Gado.   Den reti-ati sma e tan libi na wan reti fasi,+Èn den wan di no e du ogri+ e kon moro tranga.+ 10  Ma unu kan bigin baka. Grantangi, un bigin taki baka san unu wani taki,Bika mi no e si nowan koni man na un mindri.+ 11  Den dei fu mi pasa gowe+ èn den sani di mi ben wani du lasi gowe.+Iya, ala den sani di mi ben winsi lasi gowe. 12  Den man disi e si neti leki dei.+ Den e taki:’Leti o kon’, ma soso dungru mi e si. 13  Efu mi tan wakti, Grebi* o tron mi oso.+Na ini a dungru+ mi o abi fu meki mi bedi. 14  Mi o bari gi mi grebi-olo:+ ’Yu na mi papa!’Èn gi den woron:+ ’Unu na mi mama nanga mi sisa!’ 15  We, pe mi howpu+ de dan?Wan sma de di denki taki howpu de gi mi ete? 16  Den sani di mi e howpu o saka go na den portu fu GrebiTe mi nanga den o go makandra na ondro doti.”+

Futuwortu

Hebrew wortu: syeol. Luku „Moro sani”, nr. 10.