Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Yob 16:1-22

16  Dan Yob taki:   „Den sortu sani disi mi yere furu tron kaba.Na presi fu trowstu mi, unu de wan hebi gi mi!+   Wan kaba o kon na den soso sani di unu e taki?+San e meki un ati bron so, taki un musu taigi mi den sani disi?   Mi srefi ben o man taki leki unu tu.Efu unu ben de na mi presi,Unu denki taki mi ben o taigi unu ala sortu kefalek sani tu+Èn taki mi ben o seki mi ede gi unu?+   Mi ben o taigi unu sani fu meki unu firi bun.+Mi no ben o draidrai fu trowstu unu.   Efu mi e taki, mi e firi pen.+Awinsi mi tan pî, toku mi e firi pen.   Ma now Gado meki mi kon weri.+A meki ala den sma di de nanga mi, lasi ala san den abi.   Ai Gado, yu grabu mi hori tu èn ala sma si dati.+Ala sma e si fa mi kon mangri. Mi srefi e si dati.   Nanga atibron a priti mi na pisipisi èn a abi bita-ati+ gi mi.Na fu mi ede meki a e kaw en tifi.+Mi feanti e piri en ai e luku mi.+ 10  Den bradi den mofo opo fu swari mi.+Te den e piri-ai gi mi, a de leki den e naki mi na ini mi fesi.Wan lo fu den kon makandra fu du mi ogri.+ 11  Gado libi mi gi yonguyongu boi.A trowe mi langalanga na ini den anu fu ogriman.+ 12  Di mi ben kon de korostu, a bigin seki mi baka.+A grabu mi na mi bakaneki, dan a trowe mi panya na gron.A sutu den peiri fu en kon na mi tapu. 13  Den man fu en di e sutu nanga bo,+ lontu mi.A e boro den niri+ fu mi èn a no abi sari-ati.A e puru mi garisaka trowe na gron. 14  Neleki fa wan sma e naki olo na ini wan skotu, na so a e naki a wan olo baka a trawan na ini mi skin.A e lon kon na mi tapu leki wan tranga man.+ 15  Mi meki rowkrosi+ fu tapu mi skin.Mi kon swaki so te, taki mi e sidon na ini doti.*+ 16  Mi fesi kon redi, fu di mi e krei doronomo+Èn ala mi ondro-ai kon dungru.+ 17  Ma mi no du nowan ogri,Èn nanga wan krin ati mi e begi.+ 18  Ai grontapu, no tapu a brudu+ fu mi!Nowan kibripresi musu de gi a babari fu mi! 19  Boiti dati, wan sma de na hemel di o opo taki gi mi.A sma di o de mi kotoigi de na loktu.+ 20  Den mati fu mi e krutu mi.+Ma mi e tan luku mi Gado sondro fu tapu wan ai.+ 21  Mi winsi taki wan sma ben kan koti krutu gi mi nanga GadoNeleki fa wan sma e koti krutu gi tu libisma.+ 22  Bika mi o libi soso wan tu yari ete,Dan mi o waka gowe na tapu a pasi pe sma no man drai kon baka.+

Futuwortu

Hebrewtongo: „Mi trowe mi tutu na ini a doti.”