Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Yob 15:1-35

15  Dan a Teimansma Elifas taki:   „Yu denki taki wan koni sma o taki sani di de leki winti?+A o furu en bere nanga a winti fu owstusei?+   Nowan bun o kon te a taki sani nomo fu piri-ai gi sma.Nowan wini o de te a e takitaki sani di no wani taki noti.   Bika yu e meki taki sma no abi lespeki gi Gado moro,Èn yu no e feni en prenspari fu prakseri Gado.   Na a sondu fu yu e meki taki yu e taki den sani disi.Yu e taki leki wan bedrigiman.   A no mi, ma na yu eigi mofo e taki dati yu ogri.Yu eigi mofo e taki takru fu yu.+   Yu na a fosi libisma di ben de?+Yu ben gebore kaba fosi den bergi+ ben de?   Yu e yere te Gado e taki fu den inibere tori fu en?+Na yu wawan abi koni?   San yu sabi di wi no sabi?+Yu e frustan sani moro wi? 10  Sma de na wi mindri di owru èn bigi moro yu,+Èn di owru moro yu papa srefi. 11  A no sari gi yu taki Gado e suku fu trowstu yu,Noso taki sma e taki na wan switi fasi nanga yu? 12  Fu san ede yu e meki yu ati kori yu?Fu san ede yu e koti sker-ai gi wi? 13  Yu ati bron nanga Gado,Èn yu e taki wan lo ogri nanga yu mofo. 14  Nowan libisma kan de krin,+Èn nowan libisma di wan umasma meki kan abi leti. 15  Efu Gado no e frutrow den santawan fu en+Èn hemel srefi no de krin gi en,+ 16  Dan a no o frutrow wan sma tu di e du tegu sani nanga kruktu sani,+Wan sma di e dringi kruktudu leki watra! 17  Meki mi taigi yu. Arki mi!+Meki mi fruteri yu, bika misrefi si a sani disi. 18  Meki mi taigi yu san koniman+ srefi e taki,San den papa leri den èn san den no e hori gi densrefi. 19  Na den wawan ben kisi a kondre,Èn nowan tra sma ben pasa na den mindri. 20  Wan ogriman e pina ala den dei fu en libi.Srefi wan ogri-ati tiriman e pina ala den yari di a o de na libi. 21  Ala ten a e yere sani di e meki a frede.Srefi te sani e waka bun na ini a kondre, wan ogri-ati fufuruman o kon na en tapu.+ 22  A no e denki taki a o man komoto na ini a dungru.+Wan feti-owru e wakti fu kiri en. 23  A e wakawaka lontu e suku nyanyan, ma a no e feni noti.+A sabi heri bun taki a dei fu dungru+ de leti drape e wakti en. 24  Banawtu nanga bruya e frede en.+Den e kon na en tapu leki wan kownu di de klariklari fu feti. 25  A e opo ensrefi teige Gado.A wani de moro hei leki na Almaktiwan.+ 26  Na wan tranga-ede fasi a e lon go feti nanga en,Nanga wan skelt di abi wan kundu na mindrisei. 27  A e poti fatu na en fesiÈn a e poti fatu na en bere tu.+ 28  Ma a e tan na ini foto di o kisi pori,Èn na ini oso pe sma no o tan moro,Fu di den oso dati o tron ipi broko ston. 29  A no o kon gudu èn a no o kisi ipi-ipi gudu.A no o kisi moro nanga moro gudu na heri grontapu.+ 30  A no o man wai pasi gi a dungru.Wan faya o bron den pransun fu en.Nanga wán blo fu en mofo, Gado o puru en na pasi.+ 31  No meki a frutrow na tapu soso sani, so taki a no lasi pasi,Bika na soso sani a o kisi leki pai. 32  Na a pai dati a o kisi fosi en ten doro.A pransun fu en no o gro bun.+ 33  A o lasi ala san a abi neleki wan droifibon di e trowe den droifi grungrun,Èn neleki wan olèifbon di e meki den bromki fu en fadon. 34  Bika den sma di drai baka gi Gado no o abi bun bakapisi.+Faya musu bron den tenti pe sma e teki tyuku.+ 35  Den hori bere fu problema èn den e kisi ogri leki pikin.+Soso bedrigifasi de na ini den bere.”

Futuwortu