Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Yob 14:1-22

14  Libisma di wan umasma meki,+E libi syatu+ èn a lai problema.+   A e opo kon leki wan bromki, ma dan wan sma e koti en puru.+A de leki wan skaduw+ di e gowe esi-esi èn di no de fu si moro.   Iya, na en yu e poti prakseri,Èn na mi yu e tyari go na fesi krutu.+   Fa wan sma di no krin kan kisi wan pikin di krin?+Nowan sma man du dati.   Efu wan sma musu libi fu wan spesrutu pisi ten,+Dan na yu sabi o langa a o libi.A no man libi moro langa leki san yu wani.   No poti prakseri na en moro, so taki a kan rostu+Teleki a e firi bun leki wan wrokoman di kaba en wroko fu a dei.   Srefi wan bon abi wan howpu.Efu sma kapu en a e sproiti baka,+Èn ala ten a e kisi nyun taki.   Efu en rutu kon owru na ini a gronÈn en tompu dede na ini a doti,   Toku a e sproiti baka te a e kisi pikinso watra,+Èn wan bigi taki fu en o bigin gro leki wan nyun bon.+ 10  Ma te wan man dede, a no man du noti moro.Pe libisma de te den dede kaba?+ 11  A kan taki wan se no abi watra moro,Èn a kan taki a watra fu wan liba lon gowe, so taki a e kon drei.+ 12  Libisma sosrefi e go didon èn den no e opo moro.+Den no e opo baka, solanga hemel de.+Nowan sma o wiki den fu a sribi di den e sribi.+ 13  Ai, mi winsi taki yu ben o kibri mi na ini Grebi.*+Mi winsi taki yu ben o kibri mi teleki yu ati no bron moro.Dan yu kan poti wan ten+ fu memre mi baka!+ 14  Efu wan libisma dede, a kan kon na libi baka?+Solanga mi de na ini katibo, mi o wakti+Teleki frulusu kon.+ 15  Yu o kari mi èn mi o piki yu.+Yu o angri fu si mi, a sani di yu meki nanga yu eigi anu. 16  Ma now yu e poti prakseri na ala san mi e du.+Na soso den sondu fu mi yu e si.+ 17  Yu tai den sondu fu mi na ini wan saka,+Èn yu plak den fowtu fu mi tapu. 18  Te wan bergi e broko fadon, dan te fu kaba a no o de moro.Srefi wan ston no de ala ten na a srefi presi. 19  Watra kan broko ston.Te watra e fadon na gron, a e wasi a doti puru.Na so yu e puru ala howpu fu wan libisma tu. 20  Te yu e kon na en tapu nanga yu krakti, a e gowe fu ala ten.+Te yu kenki en fesi, yu e seni en gowe. 21  Awinsi den manpikin fu en e kisi grani, toku a no sabi dati.+Awinsi den tron sma di no prenspari, a no man poti prakseri na den tu. 22  En skin e hati en doronomo,Èn a e sari solanga a de na libi.”

Futuwortu

Hebrew wortu: syeol. Luku „Moro sani”, nr. 10.