Go na content

Go na table of contents

Yehovah Kotoigi

Tongo Sranantongo

Yob 13:1-28

13  Mi ai si ala den sani disi.Mi opo mi yesi fu arki.   San unu sabi, mi sabi heri bun tu.Unu no bun moro mi.+   Mi winsi taki mi ben man taki nanga na Almaktiwan srefi.+Mi ben o breiti fu haritaki nanga en.   Ma nanga soso lei unu e pori sma nen.+Un alamala na datra di no warti noti.+   Efu unu ben o tapu un mofo,Dan na wan koni sani unu ben o du!+   Grantangi, arki te mi o opo taki gi misrefi.+Un poti prakseri na san mi abi fu taki.   Na fu Gado ede unu e taki sani di no bun?Na fu du Gado wan bun, meki unu e taki lei?+   Na en sei unu e teki?+Unu e horibaka gi a tru Gado na ini a tori disi?   Efu a ben o ondrosuku unu, na bun a ben o feni?+Unu denki taki un man kori en leki fa unu e kori libisma? 10  Efu unu e hoigri na ini un ati,+A o piri-ai gi unu.+ 11  A glori fu en musu meki unu abi bigi lespeki gi en, a no so?Unu no e frede en?+ 12  Den koni sani di unu e taki de leki asisi. Den no warti noti.Den de leki skelt di meki fu tokotoko.+ 13  Un tapu un mofo meki mi taki.Efu wan sani musu pasa nanga mi, meki a pasa nanga mi! 14  Fu san ede mi e suku fu dede?*Fu san ede mi e du sani di kan meki mi lasi mi libi?+ 15  Mi ben o tan wakti en, srefi efu a ben o kiri mi.+Mi ben o tan taki nanga en fu a feni mi bun. 16  Na en ben o frulusu+ mi,Bika nowan sma di drai baka gi en man kon na en fesi.+ 17  Un arki bun san mi e taki,+Èn yere san mi abi fu taki. 18  Un arki mi, grantangi. Mi tyari a tori disi kon na fesi krutu+Èn mi sabi taki mi abi leti. 19  Suma o man haritaki nanga mi?+Efu mi ben o tapu mi mofo now, mi ben o dede! 20  Grantangi Gado, mi wani aksi yu tu sani nomo.Dan mi no o suku fu kibri gi yu moro.+ 21  Puru yu anu na mi tapu,Èn no du sani di e meki mi frede.+ 22  Kari mi, so taki mi kan piki yu.Noso meki mi taki, dan yu piki mi. 23  Sortu ogri noso sondu mi du?Taigi mi meki mi sabi sortu ogri nanga sondu mi du. 24  Fu san ede yu drai baka gi mi?+Fu san ede yu e si mi leki yu feanti?+ 25  Efu winti e wai wan wiwiri fu wan bon gowe, dan fu san ede yu musu seki en tu?Fu san ede yu e lon baka drei grasi? 26  Yu e skrifi soso ogri fu mi+Èn yu e strafu mi fu den fowtu di mi meki sensi di mi ben yongu.+ 27  Boiti dati, yu poti mi futu na ini wan strafu-udu,+Èn yu e luku ala san mi e du.Yu e marki ala presi pe mi e poti mi futu. 28  A man disi de leki wan pori sani di no warti noti,+Èn leki wan pisi krosi di woron* nyan.+

Futuwortu

Hebrewtongo: „Fu san ede mi e tyari mi skin na mindri mi tifi?”
A Hebrew wortu abi fu du nanga wan sortu pikin meti di e frei èn di e nyan krosi neleki kakalaka. Bakratongo: „mot.”