Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Yob 12:1-25

12  Dan Yob taki:   „Fu tru, unu na den koniman fu a pipel.Koni o lasi gowe te unu dede!+   Misrefi abi wan bun ati+ neleki unu.Unu no bun moro mi.+Suma no sabi ala den sani di unu taki?   Now sma e teki mi leki spotupopki,+Fu di mi e kari Gado èn mi wani taki a piki mi.+Iniwan reti-ati sma di e du soso bun, na wan spotupopki gi trawan.   Den wan di no abi broko-ede e wisiwasi den wan di de na ini banawtu,+ fu di den e denkiTaki na soso den wan di no e tanapu steifi e kisi den problema disi.+   Den sma na ini den tenti fu den ogri-ati fufuruman no abi broko-ede.+Noti no e pasa nanga den wan di e meki Gado ati bron.Den de leki den wan di e anbegi falsi gado.+   Ma grantangi, aksi den osometi, dan den o gi yu leri.+Aksi den fowru di e frei na loktu, dan den o taigi yu.+   Poti prakseri na grontapu, dan yu o leri furu sani,+Èn den fisi na ini se+ o fruteri yu ala sani.   Sortuwan fu den sani disi no sabi heri bunTaki na Yehovah srefi du ala den sani disi?+ 10  Na en gi ala libisani libi,+Èn na en meki taki libisma de na libi.+ 11  Yesi e yere sani+Èn tongo+ e tesi sani, a no so? 12  Owru sma abi koni,+Èn o moro langa wan sma e libi, o moro sabi a e kisi, a no so? 13  Na Gado abi koni nanga makti.+Na en man gi bun rai èn na en abi sabi.+ 14  Te a broko wan sani, dan noiti sma man bow en baka.+Te a e tapu wan sani gi libisma den no man opo en.+ 15  Te a e tapu na alen, ala sani e kon drei.+Te a e meki alen fadon, grontapu e kenki.+ 16  Na en abi krakti nanga koni.+Den wan di e meki fowtu èn den wan di e meki trawan lasi pasi,+ na fu en. 17  A e meki raiman waka sosofutu,+Èn a e meki krutuman kon law. 18  A e lusu den banti fu kownu,+Èn a e tai wan banti na den mindri. 19  A e meki priester waka sosofutu,+Èn a e trowe den wan di ben e tanapu steifisteifi.+ 20  A e meki den raiman di de fu frutrow tapu den mofo,Èn a e puru a koni fu den owru man. 21  A e wisiwasi den heihei man,+Èn a e meki den maktiwan kon swaki. 22  Den sani di de dipi na ini a dungru, a e tyari kon na krin.+A e meki leti skèin na den presi di dungru pikapika. 23  A e meki pipel kon makti, dan a e figi den puru.+A e meki pipel kon so bigi, taki den de na ala sei, dan a e tyari den go na ini katibo. 24  A e puru a koni fu den edeman fu a pipel na ini a kondre,So taki den e wakawaka lontu na ini a sabana+ èn den no sabi sortu pasi den musu teki. 25  Te leti no de, den e firifiri na den lontu na ini a dungru.+Na so a e meki den e wakawaka lontu leki wan drunguman.+

Futuwortu