Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Yesaya 9:1-21

9  Ma a no o dungru so, leki fositen di a kondre ben de na ini banawtu èn di sma ben wisiwasi a kondre fu Seibulon nanga a kondre fu Naftali.+ Bakaten wan sma meki a kondre kisi grani.+ A kondre disi de na a pasi di e waka na a se, na ini a kontren fu Yordan-liba, na ini Galilea pe den trakondre sma e tan.+  Den sma di ben e waka na ini dungru si wan bigi leti.+ Leti kon skèin+ na tapu den sma di ben e tan na ini a kondre di dungru pikapika.+  Yu meki a pipel kon bigi.+ Dati meki den de nanga bigi prisiri. Den e prisiri srefisrefi+ neleki te den e koti nyanyan+ na den gron noso te den e prati den gudu+ fu den feanti baka te den wini den.  Bika neleki na a ten di Midian+ lasi a feti, yu broko a tyatyari+ di a pipel ben e gebroiki fu tyari hebi lai. Yu broko a tiki di ben e naki den na tapu den skowru èn a tiki fu a sma di ben dwengi den fu wroko.+  Den ben e stampu tranga nanga den susu,+ so taki a gron ben e seki. Den dyakti fu den ben lai nanga brudu. Ma now ibri susu nanga dyakti fu den o tron sani di sma e gebroiki fu leti faya.+  Wan pikin gebore gi wi.+ Wi kisi wan manpikin.+ A o du a wroko fu wan granman.+ Den o kari en Gran Raiman,+ Tranga Gado,+ Têgo Papa,+ èn Granman fu Freide.+  Na ala sei a o abi makti leki wan granman+ èn ala ten sani o waka bun+ te a e sidon na tapu a kownusturu fu David+ èn te a e tiri en kownukondre di o tan fu têgo.+ Nanga wan krin ati+ èn na wan reti fasi+ a o tiri now èn fu ala ten. Yehovah di e tiri den legre o meki a sani disi pasa nomonomo.+  Yehovah seni wan warskow gi Yakob. A ben abi fu du nanga Israel.+  Ala sma na ini Efrayim nanga Samaria+ o abi fu yere dati,+ fu di den abi heimemre èn fu di den no abi syen. Den taki:+ 10  „Awinsi den ston oso fu wi fadon broko, toku wi o bow den baka nanga ston.+ Den koti den figabon+ fu wi, ma wi o poti sedrebon na den presi.” 11  Yehovah o meki gensman kon moro hei leki Resin èn a o gi den feanti fu Israel deki-ati fu go feti nanga en.+ 12  Siria o kon fu owstusei+ èn den Filisteasma o kon fu west-sei,+ dan den o opo den mofo èn den o nyan Israel lalalala.+ Na fu di den e tan du ogri, meki en ati e bron nanga den ete èn a e naki den ete.+ 13  Ma a pipel no drai go baka na a sma di naki den+ èn den no go suku Yehovah di e tiri den legre.+ 14  Na ini wán dei+ Yehovah o koti na ede+ nanga a tere+ fu Israel puru. A o koti a pransun nanga a warimbo fu den puru tu. 15  Den owru sma nanga den lespeki heihei man, na a ede.+ Den profeiti di e gi falsi leri, na a tere.+ 16  Den sma di e tiri a pipel, na den wan di e meki den lasi pasi.+ Den sma di e meki trawan tiri den, na den wan di e bruya.+ 17  Dati meki Yehovah no o prisiri nanga den yonkuman fu den+ èn a no o sori sari-ati gi den pikin di no abi papa èn gi den uma di den masra dede kaba. Den alamala drai baka gi en,+ den na ogriman èn ibriwan fu den e taki dondon sani. Na fu di den e tan du ogri, meki en ati e bron nanga den ete èn a e naki den ete.+ 18  Ogridu panya na ala sei neleki wan faya.+ A o bron den makabusi, den takru wiwiri,+ nanga den grangran na ini a busi.+ Leki smoko den o wai gowe.+ 19  A kondre o bron, fu di Yehovah di e tiri den legre abi bigi atibron. Den sma drape o tron leki drei udu gi a faya.+ Nowan sma o sori sari-ati gi wan trawan. Den no o sori sari-ati gi den eigi brada srefi.+ 20  Na a reti-anusei wan sma o koti wan sani fu nyan, ma awinsi a e nyan en, toku angri o kiri en. Wan sma o nyan san de na kruktu-anusei, ma a no o sari en.+ Ibri sma o nyan a meti fu en eigi anu.+ 21  Manase o nyan Efrayim, èn Efrayim o nyan Manase. Den ala tu o feti nanga Yuda.+ Na fu di den e tan du ogri, meki en ati e bron nanga den ete èn a e naki den ete.+

Futuwortu