Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Yesaya 57:1-21

57  Reti-ati sma e dede,+ ma nowan sma e poti prakseri na dati.+ Sma di abi switifasi e dede tu.+ Disiten nowan sma e frustan taki den reti-ati sma e dede, so taki den no abi fu si ogri moro.+  Sobun, den e go rostu.+ Ibri sma di e waka na wan reti fasi+ e go rostu+ na ini en grebi.+  „Ma un manpikin fu wan uma di e koti luku,+ un kon dya.+ Unu na pikin fu wan sma di e du sutadu èn fu wan uma di e du hurudu.+  Fu suma ede unu e prisiri so?+ Gi suma unu e meki bubu?+ Unu na pikin fu sondu nanga lei, a no so?+  Unu e huru na ondro den bigi bon+ di abi furu wiwiri.+ Unu e srakti pikin na den bergi-olo fu den lagipresi pe watra e lon.+  Yu ben lobi den grati ston fu a liba na a lagipresi.+ Na den sani dati yu ben teki.+ Yu tyari dringi-ofrandi+ nanga tra ofrandi gi den. Dan yu wani taki mi musu feni disi bun?+  Yu poti yu bedi na tapu wan hei bergi.+ Yu go drape tu fu tyari srakti-ofrandi.+  Na baka a doro nanga a doropostu yu poti wan sani fu memre den gado fu yu.+ Yu drai baka gi mi èn yu puru yu krosi na yu skin, dan yu kren go drape. Yu bradi a bedi fu yu,+ meki a kon moro bigi. Yu meki wan frubontu nanga den fu kisi wini. Yu lobi fu go nanga den na bedi.+ Yu e luku a syenpresi fu mansma.  Nanga oli yu saka go na Meilek èn yu meki furu switismeri sani.+ Doronomo yu seni den boskopuman fu yu go farawe. Yu du sani di lagi leki Grebi srefi.+ 10  Den furu sani di yu e du meki yu kon weri.+ Toku yu no taki: ’Den sani disi no e tyari wini kon!’ Yu feni taki yu kisi krakti baka+ èn taki yu no e kon siki.+ 11  Gi suma yu e beifi? Suma yu e frede,+ meki yu e lei now?+ A no mi yu abi na prakseri.+ Noti e naki yu ati.+ Mi ben e tan pî èn mi no ben aksi yu frantwortu fu den sani di yu ben e du.+ Dati meki yu no e frede mi.+ 12  Mi o taki fu a retidu fu yu+ èn fu den sani di yu e du.+ Den no o tyari wini kon gi yu.+ 13  Te yu e bari fu kisi yepi, dan den sani di yu tyari kon na wán no o man yepi yu.+ Winti o wai ala den sani dati gowe.+ Wan pikin winti nomo o wai den gowe. Ma a sma di e suku yepi na mi,+ o tan libi na ini a kondre èn mi santa bergi o de fu en.+ 14  Wan sma o taki: ’Un sreka a pasi! Un pipel, sreka a pasi! Krin a pasi.+ Puru ala sani fu a pasi gi mi pipel.’”+ 15  A Moro Heiwan+ di e libi fu têgo+ èn di abi wan santa nen,+ taki: „Mi e tan na wan hei èn santa presi.+ Mi de tu nanga den sma di kisi kwinsi èn di abi sakafasi.+ Mi o gi deki-ati na den sma di abi sakafasi èn mi o gi krakti na den wan di kisi kwinsi.+ 16  Bika a no fu ala ten mi o krutu unu èn mi ati no o bron nanga unu doronomo,+ noso mi ben o meki sma kon swaki.+ Iya, ala den libisani di mi meki ben o kon swaki.+ 17  Unu ben e du ogri, fu di unu ben e bedrigi sma fu kisi wini.+ Dati meki mi ati bron nanga unu. Mi naki unu èn mi drai baka gi unu,+ fu di mi ati ben e bron srefisrefi. Toku unu tan opo unsrefi teige mi,+ fu di unu tan du san un ati wani. 18  Di mi si fa unu de, mi bigin dresi unu.+ Mi tiri unu+ èn mi trowstu unu+ nanga den sma fu unu di ben e sari.”+ 19  „Mi o meki sma prèise mi.+ Ala sani o waka bun nanga den sma di de farawe èn den sma di de krosibei.+ Mi o dresi den”, na so Yehovah taki.+ 20  „Ma den ogri sma de leki wan krasi se di no man tan tiri. Doronomo den skwala e meki wan lo wiwiri nanga tokotoko opo kon. 21  Sani no o waka bun gi den ogri sma”, na so mi Gado taki.+

Futuwortu