Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Yesaya 55:1-13

55  Un alamala drape! Efu watra e kiri unu,+ kon teki watra.+ Awinsi wan sma no abi moni, meki a kon teki nyanyan.+ Iya, kon teki win+ nanga merki+ fu soso, sondro fu pai.+  Fu san ede unu e tan bai sani di no e tapu angri? Fu san ede unu e wroko so tranga sondro fu kisi wini fu dati?+ Arki bun san mi e taki. Un musu nyan bun nyanyan.+ Iya, nyan a moro bun nyanyan èn prisiri fu dati.+  Un kon na mi+ èn un poti yesi arki.+ Arki, dan unu o tan na libi.+ Fu tru, mi o meki wan frubontu nanga unu èn a o de fu têgo.+ Mi o sori unu a srefi bun-ati di mi pramisi David.+  Luku, mi gi+ den pipel+ wan kotoigi,+ wan fesiman,+ nanga wan edeman.+  Yu o kari wan pipel di yu no sabi.+ Sma fu wan pipel di no sabi yu, o lon kon na yu.+ Na fu yu Gado Yehovah ede+ èn na fu a Santawan fu Israel ede,+ den o du dati, bika a o gi yu glori.+  Un pipel, suku Yehovah te a de fu feni ete.+ Kari en te a de krosibei ete.+  Meki den ogri sma libi den pasi fu den+ èn meki den sma di e du ogri, puru den takru prakseri fu den na den ede.+ Meki den drai go baka na Yehovah di o sori den sari-ati.+ Meki den drai go baka na wi Gado, bika a o gi den pardon nanga en heri ati.+  „Den prakseri fu unu a no mi prakseri+ èn den pasi fu mi a no den pasi fu unu”,+ na so Yehovah taki.  „Neleki fa hemel hei moro grontapu,+ na so den pasi fu mi hei moro den pasi fu unu+ èn den prakseri fu mi hei moro den prakseri fu unu.+ 10  Alen nanga snew e saka kon fu hemel èn den no e drai go baka na a presi dati, solanga den no nati grontapu. Dan sani e bigin gro èn den e gi nyanyan.+ Sma e feni sani fu nyan èn siri fu sai.+ 11  Na so a de tu nanga den wortu di e komoto na mi mofo.+ Den no o drai kon baka na mi solanga sani no pasa soleki fa mi taki.+ Sani musu pasa soleki fa mi wani+ èn den wortu fu mi musu fu abi bun bakapisi.+ 12  Nanga prisiri un pipel o hari gowe+ èn ala sani o waka bun te unu e kon na inisei.+ Den bergi nanga den pikin bergi srefi o breiti èn den o bari fu prisiri te unu e kon.+ Srefi den bon fu a busi o naki anu fu prisiri.+ 13  Na presi fu makabusi, yaneifer-bon o gro.+ Na presi fu krasiwiwiri, mirte-bon o gro.+ A sani disi o meki Yehovah kisi biginen.+ A o de leki wan marki di e tan fu ala ten.+ Iya, nowan sma no o man puru en.”

Futuwortu